Fides Chan

'Tao Po': Isang nanay sa Makati nagsilbing ina sa mga batang lansangan

Madalas na makikita sa parokya sa Makati si Nanay Dolores Frando ngunit ang kaniyang mga madalas na kasama ay malayong-malayo sa kaniyang edad. Isa siyang ina, katekista, at ngayo'y nagsisilbing ina ng mga batang itinuturing na tahanan ang lansangan.

Article (news)

ABS-CBN News

<p>Ang mga ina ang itinuturing na ilaw ng tahanan dahil ang kanilang liwanag ang nagsisilbing gabay at patnubay para sa mag-anak. Samantala, ang liwanag ng isang ilaw ng tahanan sa lungsod ng Makati ay tila umabot maging sa mga lansangan nito.</p><p>Madalas na makikita sa parokya sa Makati si Nanay Dolores Frando ngunit ang kaniyang mga madalas na kasama ay malayong-malayo sa kaniyang edad. Isa siyang ina, katekista, at ngayo&#x27;y nagsisilbing ina ng mga batang itinuturing na tahanan ang lansangan. </p><p>Higit pa sa pagtuturo ng salita ng Diyos ang ginagawang paggabay ni Nanay Dolores dahil linggo-linggo ay inaalagaan niya itong parang mga tunay na anak.</p><p>&quot;Sa mga mahirap na lugar, nagbubuo kami ng mga pamilya. Pamilya na magkakapitbahay na hinuhubog namin sa salita ng Diyos. Sa isang kalye, lalo na &#x27;yung mga depressed area, mga sampung pamilya sa isang kalye, tapos sa iba-ibang kalye, tawag namin dito ay mga kawan-kawan,&quot; saad ni Nanay Dolores.</p><p>Bukod sa pagtuturo ng salita ng Diyos sa mga bata, inaasikaso na rin ni Nanay Dolores ang mga ito. Mula sa pagpapaligo, pagpapakain, at maging sa pagpapangaral sa mga ito upang lumaking maayos at responsable.</p><p>&quot;Gusto ko &#x27;yung ginagawa ko na ito. At kung ano &#x27;yung ginagawa ko na ito, ito na &#x27;yung paglilingkod ko sa Panginoon,&quot; ani ni Nanay Dolores.</p><div> </div><div><strong>-- Ulat ni Bernadette Sembrano para sa programang Tao Po. (May 11, 2025)</strong></div><div> </div><p>Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>.</p>

<p>Madalas na makikita sa parokya sa Makati si Nanay Dolores Frando ngunit ang kaniyang mga madalas na kasama ay malayong-malayo sa kaniyang edad. Isa siyang ina, katekista, at ngayo'y nagsisilbing ina ng mga batang itinuturing na tahanan ang lansangan.</p>