Fides Chan

'Tao Po': Clay artist umahon ang buhay dahil sa kanyang miniature items

11 taon na sa paglikha ng miniature items si Rica Obien.

Article (news)

ABS-CBN News

Nasa 11 taon na sa paglikha ng miniature items si Rica Obien. Nagsimula lang ang lahat sa hilig n’ya sa art. Kwento niya, &quot;Gumawa po ako ng parang sa box lang siya tapos ginawan ko ng bahay ng doll, ng mga kusina tapos pinost ko po siya online.&quot;Unti-unting nakilala sa social media ang kaniyang mga gawa, lalo na ang likha niyang ibat- ibang pagkaing pinoy na mga toy collector ang kadalasang bumibili.&quot;Natuwa po ako kaya nag-post pa ako nang nag-post baka sakaling may mga bumili pa. Hanggang sa may bumili naman po.&quot;Nagbunga naman ang pagsisikap ni Rica na makatulong sa asawa sa mga gastusin sa bahay nang kumikita na siya nang pa-unti unti.Sabi niya, &quot;Nakabili po ako ng ref tapos napatayo po namin tindahan namin. Hindi na po kami total na namomroblema sa pagkain. Dati po kasi nung kami-kami lang ng asawa ko, doon lang kami sa kuwarto ng biyenan ko noon tapos nakikikain lang kami. Nakabili kami ng tv, electric fan. Parang doon po nag-start lahat. Doon po talaga nag-start yung nag-full-time clay na ko habang nagtitindahan kami.&quot;Malayo pa si Rica sa ultimate dream niya na sariling bahay para sa pamilya… pero ngayon pa lang, marami na siyang ipinagpapasalamat sa Diyos.&quot;Everyday po ako nagpapasalamat ‘pag nakakain ako, nag-thank you ako kay lord. Saka ‘pag nakaka-uwi asawa ko na safe, ‘yung mga anak ko. Lagi ako nag-thank you kasi simpleng bagay lang, dapat grateful ka na, hindi lang dahil sa malalaking bagay.&quot; <div>Ulat ni Bernadette Sembrano para sa programang Tao Po. (June 28, 2025)</div><div>Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>. </div>