Julia Christine Botin

Article (news)

ABS-CBN News Digital Intern

<div><img src="https://od2-image-api.abs-cbn.com/prod/editorImage/176179950475220211028-undas-libingan-bayani-aa.jpg" style="width:950px" class="fr-fic fr-dib"/>ABS-CBN News/File </div>Tuwing tayo&#x27;y namamatayan ng mahal sa buhay, bukod sa lungkot at dalamhati na ating nararamdaman ay naroon pa ang dagdag-bigat ng mga kailangang asikasuhin, mula sa kung paano at saan ililibing ang katawan hanggang sa pagsasagawa ng lamay at pamamahagi ng mga naiwang ari-arian.Pero alam niyo bang may mga taong ang trabaho ay saluhin ang lahat ng mga aalahaning ito?Ayon sa memorial coordinator na si Rita Galveztan, layunin niya bilang isa sa dalawa lamang na propesyonal na tagapag-ayos ng lamay sa bansa na bigyang-gabay ang mga naulilang aniya&#x27;y hindi na nakakapag-isip nang maayos dahil sa kanilang kawalan.Sa panayam sa DZMM Radyo Patrol, kanyang ibinahagi na tinutulungan niya ang mga kliyente sa buong proseso, kasama na rito ang death certificate ng namatay, kung ano ang balak gawin sa katawan, pati na ang punerarya kung nais nila itong ilagay sa kabaong na isinisiguro niyang pasok sa gastusin ng pamilya.&quot;Kasi minsan siyempre hindi na nila [naiisip] &#x27;yun. Hindi ka naman magwi-window shopping &#x27;pag namatayan ka, di ba? Or &#x27;yung iba, hindi sila makapag-isip, &#x27;Ay gusto pala nila cremation na lang, bakit pa tayo bumibili ng ataul, di ba?&#x27;&quot; aniya. Kanya ring pinaplano ang memorial o paggunita sa buhay ng pumanaw. Ayon kay Galveztan, sinusubukan niyang sundan ang mga bilin ng namatay, pati na rin ang hinihingi ng mga pamilya na minsa&#x27;y hindi na nila naisasakatuparan dahil sa pagod.&quot;Kasi sa totoo lang, &#x27;pag tinanong mo &#x27;yung mga pamilya, marami silang gustong gawin pero… Hindi na nila magawa dahil sobrang pagod na sila, overwhelmed,&quot; kuwento niya.Dagdag pa niya, ang pagpaplano para sa mga memorial ay hindi katulad ng sa kasal sapagkat kadalasan ay biglaan ang mga ito.&quot;Ito, tatawagan ako, &#x27;Ay, pang mamayang gabi na,&#x27; &#x27;Ah okay, sige, anong kailangan niyo?&#x27;&quot; pagbahagi niya. Namamagitan din si Galveztan sa mga usapin na ginaganap matapos ang paglilibing ng kanilang mahal sa buhay, na aniya&#x27;y nagiging sanhi ng hindi pagkakaintindihan dahil hindi ito napapag-usapan nang mas maaga.&quot;Kasi maraming mga pamilya… na hindi nagkakasundo at hindi nag-uusap-usap nang maayos… Kasi hindi nila hinaharap &#x27;yung mga bagay-bagay na dapat harapin,&quot; aniya. &quot;So kung sampu silang anak, lahat sila kasama sa discussion at iba-iba &#x27;yung mga gusto nila.&quot;<div>Pangangailangan para sa mga funeral coordinator</div>Ayon kay Galveztan, maraming mga namatayan ang nagkakaila na kailangan nila ng tulong sa pag-aasikaso para sa kanilang pumanaw na mahal sa buhay dahil tingin nila&#x27;y kakayanin nila ang mga preparasyon. &quot;Ang pinakamahirap is &#x27;yung pride ng tao dahil tingin nila hindi nila kailangan ng tulong. &#x27;Ay, kaya naman namin &#x27;to eh, makakaraos kami,&#x27;&quot; pagbahagi ng memorial coordinator.Dagdag niya, hindi rin napapansin ng ilan ang nagiging epekto ng pagpaplano para sa lamay sa kanilang kalusugan.&quot;Isipin mo, namatayan ka na, puyat ka, pagod ka. Lahat &#x27;yun, combine mo, talagang magkakasakit ka after, na hindi nila napapansin yung impact until after,&quot; aniya. Nakakatanggap si Galveztan ng mga kliyente mula sa diretsuhang tawag; minsan bilang paghahanda o kaya&#x27;y sa mismong punto ng pagpanaw. Pero may mga iba na sa halip na bulaklak o pagkain, tulong ni Galveztan ang inireregalo dahil nakita na nila ang kanyang kakayahan.&quot;So &#x27;yun yung nagiging cycle, na may naka-experience nung service so, &#x27;Ay, sige tawagan natin siya.&#x27; Kasi nakita nila na hindi na-stress &#x27;yung taong namatayan, nakita nilang gumaan lahat,&quot; aniya.Kahit halos araw-araw nang nakakakita ng mga pumanaw si Galveztan, hindi niya buhat-buhat ang bigat ng emosyon sapagkat ang pangunahing layunin niya ay bigyan sila ng direksyon.&quot;I can empathize, naiintindihan ko sila, putting myself sa kung anong pinagdaaanan [nila]. Pero ang role ko doon is to keep them in the space na kaya nilang mag-function,&quot; paliwanag niya.&quot;Kasi kung ako &#x27;yung sasama sa misery nila, edi lahat kami malulunod together.&quot;Hindi niya itinuturing na trabahong kakayanin ng lahat ang pagiging memorial coordinator dahil kakailanganin ng mga lalahok na pasukin ang buhay ng bawat kliyente. Para sa kanya, isa itong regalo na iilan lamang ang nakakatanggap.&quot;Mabigat siya kung parang trabaho lang. But because it&#x27;s a privilege to serve them and every family na binibigay sa akin, nire-refer sa akin, gift &#x27;yan eh. Hindi &#x27;yan parang task na kailangan kong gawin.&quot;

Tuwing tayo'y namamatayan ng mahal sa buhay, bukod sa lungkot at dalamhati na ating nararamdaman ay naroon pa ang dagdag-bigat ng mga kailangang asikasuhin, mula sa kung paano at saan ililibing ang katawan hanggang sa pagsasagawa ng lamay at pamamahagi ng mga naiwang ari-arian.

Tuwing tayo'y namamatayan ng mahal sa buhay, bukod sa lungkot at dalamhati na ating nararamdaman ay naroon pa ang dagdag-bigat ng mga kailangang asikasuhin, mula sa kung paano at saan ililibing ang katawan hanggang sa pagsasagawa ng lamay at pamamahagi ng mga naiwang ari-arian.

Undas 2025: Ano nga ba ang trabaho ng isang memorial coordinator?

News

Entertainment

Lifestyle

Sports

Metro.Style

More

Traffic

Manila

Horoscope

People, Culture, and Events

Undas 2025: Ano nga ba ang trabaho ng isang memorial coordinator?

ABS-CBN News Digital Intern,

Rainer Dacuycuy

Published Oct 30, 2025 12:45 PM PHT

Read More:

Undas

memorial coordinator

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.