Fides Chan

 'Tao Po': Magulang ng 3 batang namatay sa sunog, patuloy na lumalaban sa buhay matapos ang trahedya 

Bagong taon, bagong buhay. Ganito sinalubong ng magpartner na Alfred at Jeanine ang 2026 matapos pumanaw ang mga anak nang matupok ng apoy ang kanilang bahay noong October 2025.

Article (news)

ABS-CBN News

Bagong taon, bagong buhay. Ganito sinalubong ng magpartner na Alfred at Jeanine ang 2026 matapos matupok ng apoy ang kanilang bahay noong October 2025.   Bukod sa kanilang bahay at mga ari-arian, ang pinakamasakit ay ang mawalan sila ng hindi lang isa kundi tatlong mga anak nang dahil sa sunog.Walang sapat na salita para ilarawan ang sakit na nararamdaman ng magulang na nawalan ng mga anak.Kwento ni Jeanine, &quot;Pag gabi, kami na lang dalawa &#x27;yung nasa kwarto, mas malalim po &#x27;yung sakit. Siyempre may imagine niyo po sa utak niyo kasi sanay po kayong gabi-gabi magkakasama. Iniyak ko lang po nang iniyak kasi di ko po alam saan na galing nun. Ang sakit po talaga. Sabi ko mas masakit pala &#x27;yung pagtapos na ng burol, ng libing.&quot;Sumasailalim sina Alfred at Jeanine ngayon sa psychological therapy para kahit papaano ay makalimot sa sakit at pangungulila.Bahagi rin ng kanilang panibagong simula ang pagkakaroon ng maliit na tindahan.Pagbabahagi ni Jeanine, &quot;Yung mga tinulong po sa amin ng mga donation, &#x27;yung mga naipon po &#x27;yun. Sabi ko nga po, para hindi po masayang &#x27;yung mga pinundo po doon sa bahay. Sinumulan ko po, sabi ko, para kahit pa paano may napaglilibangan.&quot;  Nais din nilang tuparin ang wish ng mga anak para sa kanilang dalawa.Sabi ni Jeanine, &quot;May nag-aalok din po sa amin ng ano. Parang event coordinator na sasagutin po nila &#x27;yung kung sa&#x27;n po &#x27;yung venue, ganyan po. Kaya ngayon, mga January po or February siguro, aayusin po namin &#x27;yung about sa pagpapakasal para rin po talaga may basbas din na po ng Diyos. Kasi isa rin po &#x27;yun sa mga bata, &#x27;yung mga wish nung nabubuhay pa po sila na sana ikasal kaming dalawa.&quot; -- Ulat ni Jessie Cruzat sa programang Tao Po. (January 3, 2026) <div>  </div>Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>.

Bagong taon, bagong buhay. Ganito sinalubong ng magpartner na Alfred at Jeanine ang 2026 matapos pumanaw ang mga anak nang matupok ng apoy ang kanilang bahay noong October 2025.