Push Admin

Ilang barangay tanod sa QC, nagpositibo sa droga

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/news-special1/metro/6/27/glass-pipe.jpg"/><figcaption><div class="embed-desc">Gumagamit ng glass pipe ang isang lulong sa droga habang sumisinghot ng shabu sa isang drug den sa Maynila, Hunyo 20. <em>Reuters</em></div></figcaption></figure></div><p>MANILA - Nagpahayag ng alarma ang pamahalaan ng Quezon City Lunes dahil sa pagpositibo ng ilang barangay-tanod sa paggamit ng iligal na droga.</p><p>Sa panayam ng dzMM, ibinahagi ni Quezon City Vice Mayor Joy Belmonte na mayroong mandatory drug testing ang lungsod para sa lahat ng lingkod-bayan nito.</p><p>Sumabak na anya sa naturang test ang mga opisyal ng 104 barangay mula sa kabuuang 142 barangay.</p><p>Ani Belmonte, iilan lamang sa mga nasuring barangay ang drug-free at karamihan sa mga opisyal na nagpositibo sa droga ay mga barangay tanod.</p><p>&quot;Para sa akin, hindi po ba ang mga tanod ang force multiplier ng ating mga pulis? Nakakakaba na iyung mga pinagkakatiwalaan natin ng ating kaligtasan, sila pa ang drug positive,&quot; sabi ni Belmonte.</p><p>Ayon umano sa mga barangay captain, gumagamit ng bawal na gamot ang ilang tanod dahil kailangan nilang maging alerto sa kanilang mga sideline na trabaho.</p><p>&quot;Sa baba ng kanilang sahod na hindi naman maitaas, mayroon silang two to three jobs a day at kailangan nilang gumamit para magising at alerto.&quot;</p><div><strong>REHABILITASYON </strong></div><figure class="op-social"><iframe allowfullscreen="" frameBorder="0" height="350" src="https://www.youtube.com/embed/pRbhXzeL_q8" width="600"></iframe></figure><p>Mayroong programa ang Quezon City para sa rehabilitasyon ng mga lulong sa droga at pagpigil sa pagkalat ng bawal na gamot.</p><p>Sa bisa ng isang ordinansa, naglalaan ang pamahalaang lungsod ng 15 milyon kada taon sa naturang programa. Pinopondohan din nila ang libreng serbisyo ng drug rehabilitation center na matatagpuan sa Payatas.</p><p>Binanggit ni Belmonte na halos 1,000 drug user na sa kanilang lungsod ang sumuko sa mga pulis ngayong taon.</p><p>Aminado naman si Belmonte na nagkulang ang Philippine National Police (PNP) sa pakikipag-ugnayan sa pamahalaang lungsod kaya hindi agarang nabigyan ng rehabilitasyon ang mga naunang batch ng sumukong drug user.</p><p>Makikipagpulong anya ang lokal na pamahalaan sa PNP ngayong Lunes upang &quot;hindi naman po matapos lang sa pagsuko tapos wala tayong intervention kaso wala rin pong pagbabago kung uuwi sila nang hindi gumagaling.&quot;<br/><br/>Hinikayat din ng bise alkalde ang PNP na patibayin ang koordinasyon nito sa iba pang lokal na pamahalaan, lalo na sa mga bayan na walang ordinansa para sa drug rehabilitation.</p><p>&quot;Ang akin lang pong napansin, dahil ito ay national campaign ng PNP, paano naman po iyung mga LGU na walang ganoong klaseng programa at walang ganoong klaseng budget, walang rehab center -- ano pong mangyayari sa mga sumuko sa kanila?&quot;</p><p>&quot;Sana mapag-isipan din at makipag-ugnayan ang PNP sa LGU para makabuo na sila agad-agad ng programa bago pa man dumami nang dumami ang mga sumusuko,&quot; payo ni Belmonte.</p><p>Sa ngayon, lumiham na ang Quezon City sa Department of Health (DOH) para mapataas ang 150 bed capacity ng kanilang rehabilitation center.</p><p>Umapela na rin sila kay President-elect Rodrigo Duterte para mapabilis ang proseso para sa akreditasyon ng mga rehabilitation facility at pagkuha ng mga health professional.</p>

Ayon umano sa mga barangay captain, gumagamit ng bawal na gamot ang ilang tanod dahil kailangan nilang maging alerto sa kanilang mga sideline na trabaho.