Push Admin

230,000 sinalubong ang Bagong Taon sa Luneta; basura tambak

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1441714" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Sandamakmak na basura ang iniwan ng higit daan-libong kataong nagdiwang ng Bagong Taon sa Rizal Park.</p><p>Umabot sa 230,000 katao ang pumunta sa Rizal Park noong Lunes, unang araw ng 2018, batay sa datos ng Manila Police District.</p><p>Pero nang humupa na ang dagsa ng mga namamasyal ay naiwan sa mga damuhan at kalsada ng pambansang parke ang sangkaterbang kalat tulad ng mga plastik na baso, plato, styro, at pinagbalatan ng sitsirya.</p><p>Nagulat si Llanie Gilua, na lumuwas pa mula Mindanao, sa dami ng basura at masangsang na amoy sa lugar.</p><p>Kuwento ni Gilua, natunghayan niya ang isang matandang kinagalitan ng mga tao matapos itong manita sa tamang pagtapon ng basura.</p><p>Sa palagay ng mga naglilinis sa lugar, mas marami umanong piniling sumalubong ng 2018 sa parke dala ng pagbabawal ng paputok sa mga kabahayan.</p><p>Kinailangan ng walong trak para mahakot ang mga basura kumpara sa dalawang trak noong nakaraang taon. </p><p>Sa isang pahayag, ikinatuwa naman ng National Parks Development Committee (NPDC) ang pagtangkilik ng mga tao sa Rizal Park sa kabila ng gabundok na basurang naiwan.</p><p>&quot;Ang kalayaang magamit ninyo ang liwasang Rizal at makapagbigay ng kasiyahan sa mga minamahal na kababayan ay lubos na kasiyahan para po sa amin,&quot; sabi ng NPDC.</p><p>Nakiusap din ang NPDC sa mga bibisita sa hinaharap na panatilihin ang kalinisan ng parke.</p><p>Ipinagbawal na muli ang pananatili sa parke sa magdamag kaya inaasahang tuluyan nang maiaalis ng mga tauhan ng Manila Public Service ang mga basura rito.</p><p>Isa ang Rizal Park sa karaniwang dinudumog ng mga tao tuwing Bagong Taon dahil sa dami ng atraksiyon gaya ng Bantayog ni Rizal, dancing fountain, open air auditorium, at iba pa.</p><div><strong>-- Ulat ni Lyza Aquino, ABS-CBN News</strong></div>

<p>Sandamakmak na basura ang iniwan ng higit daan-libong kataong nagdiwang ng Bagong Taon sa Rizal Park.</p>

Sandamakmak na basura ang iniwan ng higit daan-libong kataong nagdiwang ng Bagong Taon sa Rizal Park.