Push Admin

Ilang lugar sa Visayas at Mindanao, binaha dahil sa walang tigil na ulan

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Larawan mula sa Surigao City PIO." src="https://sa.kapamilya.com/absnews/abscbnnews/media/2022/news/01/02/pio.jpg"/><figcaption><em>Larawan mula sa Surigao City PIO.</em></figcaption></figure></div><p>Binaha ang ilang bahagi ng Visayas at Mindanao dahil sa walang tigil na malakas na ulan simula pa nitong Sabado, araw ng Bagong Taon.</p><p>Nagsagawa ng forced evacuation ang lokal na pamahalaan ng Surigao City sa mga landslide prone areas ngayong Linggo dahil sa walang tigil na ulan.</p><p>Ayon sa Surigao City public information office, inilikas ang mga residente na nasa Navalca, Barangay San Juan, at Silay Hills sa Barangay Taft dahil sa pagbaha.</p><p>Ang Surigao City at ibang bahagi ng Surigao del Norte ay naapektuhan nang manalasa ang Bagyong Odette noong Disyembre 16.</p><div class="embed-wrap"><figure data-feedback="fb:likes,fb:comments"><img alt="Larawan mula kay Lheyn Ann Morales." src="https://sa.kapamilya.com/absnews/abscbnnews/media/2022/news/01/02/baha.jpg"/><figcaption><em>Larawan mula kay Lheyn Ann Morales.</em></figcaption></figure></div><p>Binaha rin ang ilang parte ng Cantilan sa Surigao del Sur ngayong Linggo dahil sa walang tigil na ulan.</p><p>Ayon kay Lheyn Ann Morales, pumasok na sa unang palapag ng kanilang bahay ang tubig kaya nabasa ang kanilang mga gamit. </p><p>Agad na-rescue ang mga residente na nahirapang lumabas ng kanilang bahay dahil sa baha.</p><div class="embed-wrap"><figure data-feedback="fb:likes,fb:comments"><img alt="Larawan mula sa Libagon BFP." src="https://sa.kapamilya.com/absnews/abscbnnews/media/2022/news/01/02/leyte.jpg"/><figcaption><em>Larawan mula sa Libagon BFP.</em></figcaption></figure></div><p>Binaha rin ang Barangay Talisay sa bayan ng Libagon, Southern Leyte dahil sa walang tigil na pag-ulan ngayong Linggo.</p><p>Ayon sa mga rescuer, umabot hanggang dibdib ang taas ng tubig.</p><p>Isang 53 anyos na lalaki ang na-rescue ng mga kasapi ng Bureau of Fire Protection Libagon. Na-trap sa kanilang bahay ang lalaki nang tumaas ang tubig.</p><p>Bago nangyari ang baha, may mga residenteng nakalikas na sa kani-kanilang bahay.</p><p>Ayon sa PAGASA, ang shear line o ang pagsalubong ng northeast wind at easterlies ang dahilan ng pag-ulan na naka-apekto sa Visayas and Mindanao.</p><div><strong>— Ulat nina Lorilly Charmane Awitan at Ranulfo Docdocan</strong></div><div><strong>KAUGNAY NA ULAT:</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1876467" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Binaha ang ilang bahagi ng Visayas at Mindanao dahil sa walang tigil na malakas na ulan simula pa nitong Sabado, araw ng Bagong Taon.