Push Admin

'Takot sa paputok': Baka nakawala, nambulabog ng party sa Batangas

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/01/03/baka.jpg"/><figcaption>Ayon sa may-ari ng baka, nakawala ang kaniyang alaga makaraang may nagpaputok noong Disyembre 31, bisperas ng Bagong Taon. Screengrab</figcaption></figure></div>BATANGAS - Nabulabog ang mga residente sa barangay sa Lipa City, Batangas matapos umanong makatakas at magwala ang isang baka sa isang party sa covered court. Sa kuhang video ni Jay Las Moster, nagpulasan ang mga residente ng Barangay Tangway nang may mag-gate crash na baka sa kanilang pagsalubong ng Bagong Taon noong Disyembre 31. Tumakbo pa palayo ang baka, pero lumundag-lundag itong bumalik sa court at umikot sa lugar. Ayon kay Moster, nagpapalaro noon ang barangay nang sumulpot ang baka. &quot;Maghahampas palayok sana kami nung time na yun tapos yung baka, biglang sumulpot nagtatakbuhan na yung mga bata,&quot; aniya. Pagmamay-ari ng isang Edring Umali ang baka. Paliwanag niya, natakot sa mga paputok ang baka, dahilan para makawala ito. Sensitibo sa malakas na tunog ang pandinig ng mga baka kaya ito rin ang dahilan kung bakit ito nagwala, ayon kay Lipa City Asst. Veterinarian Marigold Manalo. &quot;Like humans ang mga aso or pets natin, nakakaranas din ng trauma it can lead to fear or sobrang pagkatakot, anxiety... Misinterpreted as aggression pag minsan,&quot; ani Manalo. Ligtas naman ang mga residente at natuloy ang pagsalubong ng mga residente sa Bagong Taon nang mailabas na sa covered court ang baka. <div>-- Ulat ni April Magpantay, ABS-CBN News</div>

Nabulabog ang mga residente sa barangay sa Lipa City, Batangas matapos umanong makatakas at magwala ang isang baka sa isang party sa covered court.

Nabulabog ang mga residente sa barangay sa Lipa City, Batangas matapos umanong makatakas at magwala ang isang baka sa isang party sa covered court.