Push Admin

Omicron threat: Ano ang dapat gawin kung makaranas ng COVID-19 symptoms?

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1885486" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Ano ang mga dapat gawin oras na sumama ang pakiramdam, sa harap ng banta ng coronavirus disease (COVID-19) omicron variant at sa dami ng mga nagpapa-test? Sabi ng pediatric infectious disease expert na si Dr. Anna Ong-Lim na oras na sumama ang pakiramdam lalo na kung may sintomas ng trangkaso ay dapat ituring agad ang sarili bilang COVID-19 positive. <ul class="op-related-articles">	<li><a href="https://news.abs-cbn.com/news/01/05/22/experts-hopeful-omicron-can-act-as-natural-vaccine-to-end-pandemic">Studies suggest omicron can act as &#x27;natural vaccine&#x27; and push delta out with milder cases</a></li>	<li><a href="https://news.abs-cbn.com/news/multimedia/video/01/05/22/omicron-variant-simula-ng-pagtatapos-ng-pandemic">Omicron variant, simula ng pagtatapos ng pandemic?</a></li></ul>Ngayon aniya, dapat bumukod kaagad sa sandaling magkasintomas at planuhin kung paano makakapagpa-test. Paliwanag niya, bagama&#x27;t wala pang datos na nagsasabing may community transmission na ng omicron variant, mas mabuti nang paghandaan ang worst-case scenario at isiping omicron ang tumama at malaki ang posibilidad na makapanghawa. &quot;Huwag nating balewalain yung maliliit na sintomas so bumukod na tayo agad tapos magiging option na natin ngayon kung gusto pa nating magpa-test kasi ang problema may cost yung testing so pagkakagastusan natin yan siyempre,&quot; ani Ong-Lim. &quot;So ano ngayon ang option natin, pwede kang bumukod pakiramdaman mo yung katawan mo habang nakabukod ka kung di pa nawawala for several days malamang sa hindi covid na &#x27;yun,&quot; dagdag niya. Payo pa ni Ong-Lim, sakaling magpositibo ay unang dapat isipin kung pupunta sa ospital o manatili sa bahay at mag-telemedicine consultation para magabayan. Kailangan aniyang magpahinga at uminom ng gamot kung may lagnat, sipon, at ubo. Kung wala aniyang kakayahang maghiwa-hiwalay sa loob ng bahay ay mas mabuting manatiling naka-face mask. Dapat ding gumawa ng magandang bentilasyon at hanggang maaari&#x27;y panatilihin ang isang metrong distansiya. &quot;So isipin na natin ngayon, dalawang araw bago sumumpong yung sintomas ko hanggang doon sa araw na ako ay nakabukod sino ba ang mga nakasama ko nang hindi ako naka-mask. More than 15 minutes kaming nagkasama at malapitan kasi yun ang aking mga close contact at dapat kong sabihan na dapat siguro pati kayo mag-abang kayo at bumukod na rin kung pwede,&quot; ani Ong-Lim. Nitong Miyerkoles naitala ang dagdag na 10,775 COVID-19 cases sa bansa. Ayon sa mga awtoridad, nakapagtala na rin sila ng 31.7 porsiyentong positivity rate. Ayon sa Department of Health, &quot;assumed&quot; na ang community transmission ng omicron variant na pinaniniwalaang mas nakahahawa kaysa sa delta variant pero nakakapagbigay umano ng mas mahihinang mga sintomas.

Sa harap ng mga dumaraming mga nagpapa-test at nakakaramdam ng sintomas ng COVID-19, ano ang mga dapat gawin oras na sumama ang pakiramdam? 