Push Admin

Mga deboto kaniya-kaniyang paggunita sa Itim na Nazareno dahil sa kanseladong Traslacion

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2021/news/01/07/20210106-black-nazarene-novena-jc-4.jpg?ext=.jpg"/><figcaption>Dumadalo sa misa ang ilang deboto ng Itim na Nazarneo sa Quiapo Church sa Maynila noong Enero 6, 2020 habang nagbabantay ang mga pulis. <em>Jonathan Cellona, ABS-CBN News</em></figcaption></figure></div><p>MAYNILA — Dumalo si Mary Anne Punzalan sa misa na ni-livestream sa Facebook ng Quiapo Church nitong ala-1 ng hapon ngayong Huwebes.</p><p>Mula nang tumama raw ang COVID-19 pandemic, natuto na raw siyang magsimba sa pamamagitan ng social media.</p><p>Tatlong dekada nang deboto si Punzalan ng Poong Itim na Nazareno pero nag-aalangan siyang pumunta sa Quiapo Church dahil sa takot sa virus.</p><p>&quot;Medyo naninibago nga kasi nasa cellphone. Nasanay na namin na pumunta doon,&quot; ani Punzalan.</p><p>Sa unang pagkakataon, hindi rin muna siya dadalo sa pagdiriwang ng Pista ng Itim na Nazareno sa Sabado.</p><figure class="op-interactive"><iframe height="315" src="https://www.youtube.com/embed/cjLgN6kHWw4?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kanselado ngayong taon ang Traslacion o pagprusisyon sa imahen ng Itim na Nazareno dahil sa patuloy na banta ng COVID-19. Sa halip, magdaraos ng lang ng mga misa ang Quiapo Church.</p><ul class="op-related-articles">	<li><a href="https://news.abs-cbn.com/news/01/03/21/several-masses-to-be-held-in-quiapo-on-jan-9-as-traslacion-canceled-official">Several masses to be held in Quiapo on Jan. 9 as Traslacion canceled: official</a></li></ul><p>Bukod sa pagdarasal para sa pamilya, hiling ni Punzalan sa Poong Nazareno na bumalik na sa normal ang lahat.</p><p>&quot;Manumbalik na po &#x27;yong dati na walang sakit. Puwede ka nang makihalubilo, magsimba nang walang mask [at] face shield. &#x27;Yong &#x27;di mo na kailangan umiwas-iwas sa tao,&quot; ani Punzalan.</p><p>Nagbisikleta naman si Jefferson Langcay mula Tanza, Cavite hanggang Baclaran Church sa Parañaque City nang malamang nandoon ang imahen ng Poon.</p><ul class="op-related-articles">	<li><a href="https://news.abs-cbn.com/news/01/03/21/replika-ng-imahen-ng-poong-nazareno-bumibisita-sa-ilang-parokya">Replika ng imahen ng Poong Nazareno bumibisita sa ilang parokya</a></li></ul><p>Hindi raw siya pupunta sa Quiapo Church para makaiwas sa dagsa ng tao.</p><p>&quot;&#x27;Yong nakagawian po naming ginagawa sa prusisyon, wala po, hindi namin magagawa,&quot; ani Langcay.</p><p>&quot;Medyo malungkot pero hindi naman tayo nawawalan ng pag-asa sa ating pananampalataya,&quot; dagdag niya.</p><p>Bukod naman sa pagbisita sa Baclaran Church, mag-oorganisa ng hiwalay na misa sa Barangay Malibay, Pasay sa Sabado ang deboto na si Corazon dela Cruz.</p><p>&quot;Mga replica namin, babasbasan ng pari. Tapos may pa-misa kami para doon na lang kami,&quot; ani Dela Cruz.</p><p>Samantala, pinaalis na rin ng Manila Police District ang mga vendor sa paligid ng Quiapo Church.</p><p>Nilinis na rin ng Manila Department of Public Services ang mga basura at iba pang nakakalat sa mga kalsada.</p><ul class="op-related-articles">	<li><a href="https://news.abs-cbn.com/news/01/05/21/ilang-kalsada-sa-paligid-ng-quiapo-church-isasara-simula-enero-7">Ilang kalsada sa paligid ng Quiapo Church isasara simula Enero 7</a></li>	<li><a href="https://news.abs-cbn.com/video/news/01/06/21/mga-deboto-pinaalalahanan-sa-mga-patakaran-sa-traslacion">Mga deboto pinaalalahanan sa mga patakaran sa Traslacion</a></li></ul><div><strong>-- Ulat ni Jerome Lantin, ABS-CBN News</strong></div><div><strong>RELATED VIDEO:</strong></div><figure class="op-interactive"><iframe height="315" src="https://www.youtube.com/embed/YDbtXgE5ZlY?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Kaniya-kaniyang paraan ang mga deboto sa paggunita sa Pista ng Itim na Nazareno ngayong kanselado ang taunang Traslacion dahil sa COVID-19 pandemic.</p>

Kaniya-kaniyang paraan ang mga deboto sa paggunita sa Pista ng Itim na Nazareno ngayong kanselado ang taunang Traslacion dahil sa COVID-19 pandemic.