Push Admin

'Mga naturukan ng Dengvaxia bago mamatay, may senyales ng severe dengue'

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/PgcZr2hkpnw?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Nakitaan umano ng mga posibleng senyales ng severe dengue ang dalawang estudyanteng hinihinalang namatay dahil sa Dengvaxia. Sumailalim ang mga ito sa forensic examination ng Public Attorney&#x27;s Office (PAO). Batay sa inisyal na resulta ng pagsusuri sa 11 anyos na si Zandro Colite, namatay ang binatilyo dahil umano sa hemorrhage o pagdurugo sa baga na palatandaan ng acute respiratory failure na posibleng dulot ng dengue.Pero sa death certificate ni Colite, sepsis 2, intra-abdominal infection, at acute ruptured appendicitis ang ikinamatay ng binatilyo noong Disyembre 27.Tatlong beses naturukan si Colite, na taga-Imus, Cavite, ng kontrobersiyal na bakuna kontra dengue na Dengvaxia.Isinisisi ng pamilya ni Colite ang kaniyang pagkamatay sa Dengvaxia, lalo&#x27;t lumaki naman umanong malusog si Colite.Desidido ang pamilya Colite na magsampa ng kaso sa lahat ng responsable sa pagturok ng Dengvaxia.Ayon sa ama ni Colite, tila ginawang eksperimento ang kaniyang anak para sa Dengvaxia kaya dapat managot ang may sala.Sa San Pablo, Laguna, hinukay at sinalang sa forensic examination ang bangkay ng 10 anyos na si Lenard Baldonado, na naturukan ng bakuna noong Nobyembre 9.Sa inisyal na resulta, natuklasan ang matinding hemorrhage o pagdurugo sa atay, baga, puso, at utak ng binatilyo.Mga senyales umano ito na posibleng nagkaroon ng severe dengue si Baldonado.Desidido rin ang pamilya ni Baldonado na ituloy ang laban para makamit nila ang hustisya.Nagluluksa din ang amang si Jeffrey Alimagno dahil sa pagkamatay ng kaniyang 13 anyos na anak na si Rei Jazztine dahil umano sa dengue shock syndrome noong Enero 3.Isinisisi ng ama ang nangyari sa naiturok umanong Dengvaxia sa anak.<div>Denial</div>Binatikos ni Atty. Persida Rueda-Acosta, pinuno ng PAO, ang Department of Health (DOH) dahil sa umano&#x27;y pagtanggi nito sa mga pagkamatay dulot ng Dengvaxia.&quot;Dapat maalarma, kumilos na ang DOH o tigilan na iyang denial syndrome niyo dahil lagnap na ang dengue severe syndrome,&quot; ani Rueda-Acosta.Pero ayon sa DOH, bagaman 14 na bintang ng Dengvaxia-related deaths ang vina-validate nila, ang habol ng kanilang ahensiya&#x27;y katotohanan at kongkretong resulta bago maglabas ng pahayag sa publiko.Mahirap umanong masabi na Dengvaxia ang dahilan ng pagkamatay ng mga bata.&quot;Wala naman tayong denial kaya talagang lahat ng cases ng na-Dengvaxia... na namatay ay sinusuri natin,&quot; ani Health Undersecretary Ric Domingo. &quot;Gusto natin ma-ascertain exactly kung ano iyong dahilan at kung ano relationship niya sa vaccine,&quot; dagdag ni Domingo.Hiling ng DOH na payagan ang mga eksperto mula sa Philippine General Hospital na maging bahagi ng forensic examination na isinasagawa ng PAO.Ayon naman sa manufacturer na bakuna na Sanofi Pasteur, wala pang napatutunayang insidente ng pagkamatay dahil sa bakuna.Nabalot sa kontrobersiya ang Dengvaxia matapos ilabas ng Sanofi Pasteur ang pag-aaral na maaring magdulot ng malubhang sintomas ang bakuna kapag naibigay sa mga hindi pa nagkakaroon ng dengue.<ul class="op-related-articles">	<li><a href="http://news.abs-cbn.com/news/11/30/17/bakuna-kontra-dengue-maaaring-makasama-sa-ilan-pag-aaral">Bakuna kontra dengue, maaaring makasama sa ilan: pag-aaral</a></li></ul><div>-- Ulat ni Dominic Almelor at Oman Bañez, ABS-CBN News</div>

Nakitaan umano ng mga posibleng senyales ng severe dengue ang dalawang estudyanteng hinihinalang namatay dahil sa Dengvaxia.

Nakitaan umano ng mga posibleng senyales ng severe dengue ang dalawang estudyanteng hinihinalang namatay dahil sa Dengvaxia.