Push Admin

Daan-daang deboto ng Nazareno, nangailangan ng medical assistance

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Pila ng mga debotong nais magbigay-pugay sa imahe ng Itim na Nazareno sa Quirino Grandstand, Maynila, Enero 9, 2023. Jonathan Cellona, ABS-CBN News" src="https://sa.kapamilya.com/absnews/abscbnnews/media/2023/tvpatrol/01/09/20230109-nazareno-devotees-grandstand-jc-4018.jpg"/><figcaption>Pila ng mga debotong nais magbigay-pugay sa imahe ng Itim na Nazareno sa Quirino Grandstand, Maynila, Enero 9, 2023. Jonathan Cellona, ABS-CBN News</figcaption></figure></div>(UPDATE) Daan-daang deboto ang nabigyan ng medical assistance kasabay ng pagdiriwang ng Itim na Nazareno, sabi ngayong Lunes ng Philippine Red Cross (PRC).Ayon sa tala ng PRC, mula Enero 7 hanggang Lunes, umabot na sa 623 tao ang kanilang nabigyan ng atensiyong medikal.Mga sugat sa paa ang karaniwang injury ng mga deboto habang ang iba&#x27;y nagpapa-check naman ng blood pressure, karamiha&#x27;y senior citizen, sabi ni Jaylord Abrigado, officer-in-charge ng PRC Safety Services.&quot;Nagpapasalamat kami na for this year&#x27;s operation, walang naitalang major case ang Philippine Red Cross... ang karamihan nito (cases) ay minor wounds, katulad ng abrasion, lalong-lalo na sa mga paa nila dahil nga nakayapak sila,&quot; ani Abrigado.Mas mababa rin umano ang bilang ng mga pasyente kompara noong bago magpandemya.&quot;Sa mga cases naman, generally, ang observation namin marahil dahil sa takot pa rin sa pandemya, medyo mababa. At siguro dahil sa mga experiences natin, natuto na tayo at mas naging observant sa safety ang mga deboto natin,&quot; ani Abrigado.Muling iginiit ng PRC na may foot patrols at first aid stations mula Quirino Grandstand hanggang Quiapo Church.May anim na ambulansiya ring naka-deploy at field hospital sa command post malapit sa Manila City Hall.May mga team din ang Manila disaster office sa Quiapo Church at Quirino Grandstand, na wala pang naiulat na emergencies, sabi ng lokal na pamahalaan.Nagpaalala ang mga awtoridad sa mga deboto na dapat maging handa kung makikiisa sa pagdiriwang ng Itim na Nazareno.Pinaalalahanan ang mga debotong dalhin ang mga medication o maintenance medicine, kumain sa tamang oras, at sumunod pa rin sa health protocols kontra COVID-19.Sa pagtataya ng mga awtoridad hanggang tanghali ng Lunes, daan-libong deboto na ang nakiisa sa pagdiriwang sa Quiapo Church at Quirino Grandstand, kahit wala ang tradisyunal na prusisyon na Traslacion bunsod ng patuloy na pandemya.<div>— Ulat ni Arra Perez, ABS-CBN News</div>

Umakyat na sa higit 400 ang bilang ng mga debotong nabigyan ng medical assistance sa gitna ng pagdiriwang ng Itim na Nazareno, sabi ng PRC.