Push Admin

Ilang lugar sa Eastern Visayas, Mindanao lubog pa rin sa baha

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2413239" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Lubog pa rin sa baha ngayong Miyerkoles ang maraming lugar sa Eastern Visayas at ilang bahagi ng Mindanao dahil sa patuloy na pag-ulang dala ng low pressure area (LPA).</p><p>Sa Leyte, isinailalim na sa state of calamity ang bayan ng San Miguel dahil sa mga pagbaha at pagguho ng lupa bunsod ng masamang panahon.</p><p>Dahil dito, nagpatupad na ng forced evacuation sa mga residenteng nakatira malapit sa mga bundok at mababang lugar.</p><p>Ayon sa municipal disaster office, aabot sa P7 milyon ang pinsala sa agrikultura.</p><p>Sa Palo, binaha maging ang isang Yolanda relocation site kaya 26 na pamilya ang inilikas.</p><p>Nagmistulang lawa ang relokasyon sa Verdominic Heights sa Barangay San Jose kaya nakisilong muna ang mga inilikas sa mga elementary school.</p><p>Sa kalapit namang siyudad ng Tacloban, sa Tacloban City Convention Center nananatili ngayon ang 12 pamilyang lumikas mula Barangay 110 matapos umabot hanggang dibdib ang baha.</p><p>Sa Northern Samar, aabot sa 3 metro o ikalawang palapag ng mga bahay ang baha sa mga barangay malapit sa mga catch basin area o mababang lugar, ayon kay municipal disaster officer Rei Josiah Echano.</p><p>Sa bayan ng Catubig, 41 barangay umano ang lubog sa tubig habang higit 1,520 pamilya na ang inilikas dahil sa baha.</p><p>Tuloy-tuloy rin ang responde ng Provincial Disaster Risk Reduction and Management Office (PDRRMO) kasama ang paghahanap sa isang sundalong nawawala sa flash flood habang nagki-clearing operations sa bayan ng San Isidro.</p><p>Umapela ang Northern Samar PDRRMO sa national government ng pagkain at damit, lalo na kung tatagal pa ang pag-ulan dahil sa LPA.</p><p>Sa Eastern Samar, higit 2,000 pamilya ang nasa evacuation centers mula sa 10 bayan, sabi ni Governor Ben Evardone.</p><p>Hamon para sa provincial government ang ilang evacuation center, tulad ng mga eskuwelahan at barangay hall, na pinasok na rin ng baha.</p><p>Sa ngayon, may 2 napaulat na nawawala sa probinsiya dahil sa baha.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2412588" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Sa Butuan City, 264 pamilya o 1,237 indibidwal ang apektado ng pagbaha sa lungsod.</p><p>Ginawa pang bangka ng ilang residente ang isang sirang refrigerator para makalikas dahil umabot na hanggang baywang ang baha sa kalsada.</p><p>Sa Libertad Central Elementary School, namahagi na ng gamot ang city health office sa mga evacuee dahil may mga ubo at lagnat ang iba sa kanila.</p><p>Matindi rin ang pagbaha sa Zamboanga City kaya sinuspende na ang klase at pasok sa local government offices.</p><ul class="op-related-articles">	<li><a href="https://news.abs-cbn.com/news/01/11/23/walangpasok-january-11-wednesday">#WalangPasok: Class suspensions on January 11, Wednesday due to LPA</a></li></ul><div> </div><p>Aabot na umano sa higit 300 residente ang inilikas sa Ayala, Talisayan at Tumaga dahil sa pagtaas ng tubig.</p><p>Pansamantalang sinara rin ang Labuan Bridge dahil napinsala ito ng malakas na ulan at baha.</p><p>Umabot naman sa critical level ang Pasonanca Intake Dam, na lagpas 77 meters na ang water level.</p><div><strong>— Ulat nina Sharon Evite, Ranulfo Docdocan, Leizel Lacastesantos at Charmane Awitan</strong></div>

Lubog sa baha ang ilang lugar sa Eastern Visayas at ilang bahagi ng Mindanao dahil sa patuloy na pag-ulang dala ng low pressure area.