Push Admin

SAPUL SA CCTV: Lalaki, nanuntok ng babae; sanggol damay

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/Rh6K4if9qo8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa kulungan ang bagsak ng isang lalaki matapos umanong bugbugin ang kinakasama at madamay pa ang anak na sanggol.</p><p>Sa kuha ng CCTV ng Brgy. 12 sa Caloocan City, pasado alas-5 ng umaga ng Biyernes ay makikita ang babaeng si alyas &quot;Abbi&quot; na tumatakbo sa kalsada bitbit ang pitong buwang gulang na anak.</p><p>Hinahabol siya ng kaniyang live-in partner na si alyas &quot;Al&quot; at nang abutan ay pinagsusuntok ito habang pilit ding inaagaw ang sanggol.</p><p>Aktong papatakas na ang suspek bitbit ang saggol nang abutan ng mga barangay tanod na rumesponde sa insidente.</p><p>Kuwento ni Abbi, nag-ugat ang panggugulpi nang mahuli niya si Al sa isang bar na may kasamang babae.</p><p>Pag-uwi ng kanilang bahay ay doon na aniya nagsimulang maging bayolente ang lalaki.</p><p>&quot;Pag-uwi niya kung ano mahawakan niya ibinabato niya sa akin. Nung makita kong umiiyak na [ang baby] kinuha ko tapos tumakbo ako sa labas,&quot; ani Abbi. </p><p>Mga pasa sa mukha ang tinamo ni Abbi habang ang sanggol ay may malaking bukol din sa ulo matapos tamaan ng mga suntok ni Al.</p><p>Pero katuwiran ng lalaki, dati na ang bukol dahil umano nalaglag ang bata sa papag.</p><p>Ayon pa kay Abbi, sinasampal-sampal din daw ni Al ang anak.</p><p>Sa kabila ng payo na makipag-ayos, desidido si Abbi na ipakulong ang kinakasama lalo na raw at nasaktan na pati ang kaniyang anak.</p><p>Kakasuhan ng child abuse at paglabag sa Anti-Violence Against Women and Children Act si Al.</p><div><strong>--Ulat ni Dennis Datu, ABS-CBN News</strong></div>

<p>Sa kabila ng payo na makipag-ayos, desidido si Abbi na ipakulong ang kinakasama lalo na raw at nasaktan na pati ang kaniyang anak.</p>

Sa kabila ng payo na makipag-ayos, desidido si Abbi na ipakulong ang kinakasama lalo na raw at nasaktan na pati ang kaniyang anak.