Push Admin

Baby inabandona sa labas ng bahay ng daycare worker sa Siquijor

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Baby inabandona" src="https://sa.kapamilya.com/absnews/abscbnnews/media/2022/life/01/12/20220112-baby-inabandona-1.jpg"/><figcaption><em>Larawan mula kay Meralyn Vega</em></figcaption></figure></div><p>Laking gulat ng daycare worker na si Meralyn Vega nang makita niya ang isang 2-buwang gulang na babaeng sanggol sa labas ng kaniyang bahay sa Enrique Villanueva, Siquijor nitong Martes.</p><p>Kwento ni Vega, bago mag-alas 4 ng madaling araw, nakarinig siya at ang pamilya niya ng motorsiklo sa labas ng kanilang bahay. Maya-maya ay may narinig na silang iyak ng sanggol.</p><p>&quot;Pero gi-blind ra amo kay gatuo man mi og silingan ra namo padulong duty. Pagkataod-taod, naa may gahilak nga bata. Di naalarma ming tanan. Nanawag mi og mga silingan ug pulis,&quot; aniya.</p><p>(Hindi namin pinansin ang motorsiklo sa labas dahil akala namin, kapitbahay lang na papunta sa trabaho. Pero ilang saglit, may umiiyak nang bata. Eh &#x27;di naalarma kaming lahat. Tumawag kami ng mga kapitbahay at pulis.)</p><p>Balot ng kumot na nakalagay sa kahon ang sanggol, at sa tabi nito ay may liham na galing umano sa nanay nito.</p><p>Iniwan man nito ang sanggol, hiling ng ina sa makakakuha na alagaang mabuti at pabinyagan ang sanggol.</p><p>Nakasaad sa liham na ipinanganak ang bata noong Nobyembre 3, at sana ay pangalanan raw ito ng &quot;Kathleen&quot;.</p><p>&quot;Dili ko taga-diri, Ma&#x27;am. Gidala ra ko sa akong nakapaburos tapos pag-walo na ka bulan akong tiyan, gibiyaan ko, kinulata pud ko niya. Wala gani ko nakabayad sa akong pagpanganak,&quot; nakasaad sa sulat.</p><p>(Hindi ako tagarito, Ma&#x27;am. Dinala lang ako dito ng nakabuntis sa akin. Tapos, noong 8 months na ang aking pagbubuntis, iniwanan na ako at nabugbog din niya ako. Hindi pa nga ako nakabayad sa aking panganganak.)</p><div class="embed-wrap"><figure data-feedback="fb:likes,fb:comments"><img alt="Baby inabandona" src="https://sa.kapamilya.com/absnews/abscbnnews/media/2022/life/01/12/20220112-baby-inabandona-2.jpg"/></figure></div><p>Humingi ng tawad ang ina ng bata sa pag-iwan nito. Tatlong araw na raw siyang hindi kumakain at umiinom na lamang ng tubig.</p><p>Ayon kay Vega, hindi niya kilala ang nag-iwan ng sanggol at patuloy din daw na hinahanap ang magulang nito.</p><p>Wala namang plano ang daycare worker, na mayroong dalawang anak, na ampunin ang sanggol.</p><p>Aniya, nasa pangangalaga na ng Department of Social Welfare and Development Central Visayas ang sanggol.</p><div><strong>— Ulat ni Hernel Tocmo</strong></div><div><strong>KAUGNAY NA ULAT</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1822726" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Balot ng kumot na nakalagay sa kahon ang sanggol at sa tabi nito ay may liham na galing umano sa nanay nito.