Push Admin

3 dating pulis hinatulan ng double life imprisonment sa kaso ng pagpatay sa anak ng mayor sa Quezon

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Ang mga dating pulis na hinatulang guilty sa pagpatay kay Christian Gayeta at Christopher Manalo noong March 13, 2019." src="https://sa.kapamilya.com/absnews/abscbnnews/media/2023/news/01/12/01122023-3-dating-pulis-hinatulan-double-life-imprisonment-quezon.jpg"/><figcaption>Ang mga dating pulis na hinatulang guilty sa pagpatay kay Christian Gayeta at Christopher Manalo noong March 13, 2019.</figcaption></figure></div>Hinatulan ng double life imprisonment ang tatlong dating pulis na mga pangunahing suspek sa pagpatay sa anak ng mayor ng Sariaya, Quezon at sa kasama nito noong 2019.Ayon kay Atty. Crisanto Buela, legal counsel ng pamilya Gayeta, hinatulang guilty nitong Huwebes ng umaga ni Judge Dennis Orendain ng Branch 53 ng Lucena RTC sina dating Tayabas police chief, P/Lt. Col. Mark Joseph Laygo, P/Cpl. Lonald Sumalpong at Pat. Robert Legaspi sa pagpatay kay Christian Gayeta at Christopher Manalo. Hindi nakarating sa promulgation ang tatlong akusado dahil aniya sa security reason.Ayon pa kay Buela, nauna nang humiling ang warden ng Talipan District Jail sa Pagbilao, Quezon kung saan nakakulong ang tatlo na sa pamamagitan na lamang ng video conference pakikinggan ng mga akusado ang paghatol.Ayon sa warden, maaaring delikado ang paglipat sa mga naturang high-risk prisoner.Naging closed-door din ang pagbasa ng hatol at tanging pamilya ng mga biktima at abogado lamang ng magkabilang panig ang pinayagang makapasok sa loob ng bulwagan.Matapos ang pagbasa ng hatol, nagpalakpakan naman sa tuwa ang mga supporter ng pamilya ng mga biktima, na maaga pa lamang ay nasa harap na gusali ng Lucena Hall of Justice nang ihayag ni Mayor Marcelo Gayeta, Jr. at Buela ang desisyon ng korte.Naging maramdamin naman ang pahayag ni Mayor Gayeta at maybahay nito na si Marivic dahil sa nakamit nilang hustisya para sa anak na ipinaglaban nila nang mahigit na tatlong taon.Maging ang asawa ni Christian na si Raquel at asawa ni Manalo na si Mary Ann ay nagpahayag din ng magkahalong damdamin sa kaso —saya dahil sa pagkakamit ng hustisyaa, at lungkot dahil sa hindi na maibabalik ang buhay ng mga biktima.Ayon namay kay Mayor Gayeta, patuloy nilang babantayan ang kaso at sisiguraduhin na maipapatupad ang hatol.Batay sa record, Marso 13, 2019 ng gabi nang hulihin umano sa checkpoint ang mga biktima habang sakay sila sa sasakyan na minamaneho ni Manalo. <ul class="op-related-articles">	<li><a href="https://news.abs-cbn.com/news/03/14/19/anak-ng-alkalde-ng-sariaya-patay-sa-engkwentro">Anak ng alkalde ng Sariaya, patay sa engkwentro</a></li>	<li><a href="https://news.abs-cbn.com/news/03/19/19/hepe-ng-quezon-police-sibak-matapos-ang-pagkamatay-ng-anak-ng-alkalde">Hepe ng Quezon police sibak matapos ang pagkamatay ng anak ng alkalde</a></li></ul>Mga miyembro ng Tayabas Police, na noon ay pinamumunuan ni Laygo sa Barangay Angustias, ang umaresto sa dalawa.Hinuli umano ang dalawa dahil sa paglabag sa Comelec gun ban na ipinairal para sa paparating na May 2019 election.Subalit kinabukasan bumulaga na lamang ang bangkay ng dalawa dahil ayon sa Tayabas Police ay nanlaban ang mga ito matapos mahuli sa checkpoint. — Ulat ni Ronilo Dagos

Hinatulan ng double life imprisonment ang tatlong dating pulis na mga pangunahing suspek sa pagpatay sa anak ng mayor ng Sariaya, Quezon at sa kasama nito noong 2019.