Push Admin

Mga inakusahan sa Dacera case bumuwelta, may paratang sa Makati police

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/MLh_i51-VI8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA – Idinaos nitong Miyerkoles sa Makati City Prosecutor&#x27;s Office preliminary investigation sa kaso ng pagkamatay ng flight attendant na si Christine Dacera.</p><p>Dumating doon ang 7 respondents sa kasong rape with homicide na isinampa sa kanila ng kampo ng pamilya Dacera, habang ang 4 naman ay nagpadala lang ng abogado.</p><p>Doon, binawi ni JP Dela Serna ang nauna nitong testimonya na noong Enero 1 ay may ipinakita sa kanya ang isang Mark Anthony Rosales na &quot;powder drugs&quot; na kinuha mula sa kaniyang medyas. </p><p>Sa bagong affidavit, sinabi ni Dela Serna na pinilit lamang siya ng Makati police na sabihin ito kasabay ng pananakot na maaari siyang mabulok sa bilangguan. </p><p>Sinabi rin sa affidavit na pinilit lang sina Dela Serna at Rommel Galido na pirmahan ang mga salaysay na pawang nakahanda na.</p><p>Dagdag pa ni Dela Serna, pulis ang nag-suggest kung ano ang sasabihin sa kanyang salaysay tungkol sa drugs.</p><p>&quot;The powder issue insinuating drug use actually came from the mouth of Makati police,&quot; sabi ni Abigail Portugal, isa sa mga legal counsel ng respondents. </p><blockquote class="twitter-tweet"><p dir="ltr" lang="tl">Portugal says Dela Serna and Galido were &#x27;pressured&#x27; to give statement on the drug issue<br/><br/>Portugal: Kasi parang pinalalabas na, basta may pressure sila, otherwise &#x27;di sila makakalabas. Naka-detain sila that time <a href="https://t.co/8L9ClVnbWJ">pic.twitter.com/8L9ClVnbWJ</a></p>— Maria Arra Perez (@arraperezDZMM) <a href="https://twitter.com/arraperezDZMM/status/1349236329637244928?ref_src=twsrc%5Etfw">January 13, 2021</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><p>Hanggang ngayon ay hindi pa rin sumasagot ang hepe ng Makati police na si Col. Harold Depositar kaugnay sa akusasyon.</p><p>Dumating din ang ina ni Christine na si Sharon pero tumanggi siyang magbigay ng pahayag.</p><p>Pero ayon sa tagapagsalita ng pamilya Dacera, may &quot;cover-up&quot; daw na nangyari.</p><p>&quot;The best way to reply is when we have the NBI result [ng second autopsy] kasi sa aming pagtingin may participation ang investigation process sa cover-up,&quot; paratang ni Brick Reyes, abogado at spokesman ng pamilya Dacera. </p><p>Dagdag pa ni Reyes, tuloy ang reklamo nila laban sa medico-legal officer na si Police Maj. Michael Sarmiento na siyang nag-examine sa mga labi ni Christine.</p><p>&quot;We don&#x27;t understand why na-order ang embalmment before the medico-legal examination so we requested a second autopsy report and hopefully lalabas &#x27;yun very soon,&quot; sabi ni Reyes. </p><p>Sa Enero 27 itutuloy ang preliminary investigation sa Dacera case.</p><div><strong>–Ulat ni Jeck Batallones, ABS-CBN News</strong></div>

<p>Binawi ng isang inakusahan sa Dacera case ang nauna nitong testimonya tungkol sa droga. </p>

Binawi ng isang inakusahan sa Dacera case ang nauna nitong testimonya tungkol sa droga.