Push Admin

PCCI: Mga magtatapos ng K-12, maaaring hindi pa handang magtrabaho

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/news/01/16/k-12-protest.jpg"/><figcaption>Kuha sa isang rally ng mga estudyanteng kumokontra sa pagpapatupad ng K-12 program, Agosto 25, 2015. File photo</figcaption></figure></div>Nangangamba ang isang malaking business group na hilaw pa sa karanasang makatutulong sa pagtatrabaho ang ilang magtatapos sa K-12 program, ang pinalawig na basic education system ng Department of Education (DepEd).Ayon sa Philippine Chamber of Commerce and Industry (PCCI), tila kulang pa ang 80 oras o dalawang linggo lang na minimum requirement para sa on-the-job training (OJT) ng unang batch ng K-12 students na magtatapos sa Marso.Sa ilalim ng K-12, pinahaba ang basic education system mula 10 taon hanggang sa 12 taon. Ang mga magtatapos ng senior high school ay edad 18 na at maaaring tumuloy ng kolehiyo o kaya naman ay maghanap na ng trabaho. Tingin ni Alberto Fenix, presidente ng Human Resource Development Foundation ng PCCI, baka mahirapang makapasok ng trabaho ang tinatayang daan-daang libong magtatapos sa K-12 kung 80 oras lang ang kanilang naging OJT.Isa si Romeo Calibo sa mga maagang nagtapos ng K-12 sa Laguna, na mas naunang nagpatupad nitong programa bago nailunsad sa iba pang bahagi ng bansa. Bukod sa dagdag dalawang taon ng high school, sumalang din si Calibo sa 800 oras na OJT sa isang kompanyang gumagawa ng makina.Kung sa isang araw ay walong oras ng pagsasanay ang ilalaan, halos 100 araw na nag-OJT si Calibo, mas matagal kumpara sa 80 oras o dalawang linggo na tanging rekisito sa K-12.Ayon sa kompanyang kumuha kay Calibo, kulang na kulang ang dalawang linggo para maturuan ang isang estudyante sa kaniyang gustong pasuking trabaho kalaunan.Kaya rin daw ginawang 800 oras ang OJT ni Calibo para mas mahasa siya sa mga teknikal na gawain sa trabaho.Titingnan naman ng DepEd ang suhestiyon ng PCCI para rin matiyak na sapat ang karanasan ng estudyanteng gustong magtrabaho pagka-graduate ng K-12.Pero binigyang diin ni DepEd Undersecretary Tonisito Umali na nabuo ang curriculum ng K-12 sa pakikipag-ugnayan sa Commission on Higher Education at Technical Education and Skills Development Authority kaya maituturing itong kompletong pagsasanay sa estudyante kung nanaisin niyang di na tumuloy sa kolehiyo.Sabi rin ni Umali, hindi naman puwedeng panay OJT lang ang gawin ng mga estudyante sa Grades 11 to 12 o senior high school dahil kailangan ding mabalanse ang kanilang oras sa iba pang asignatura.Kumpiyansa rin si Umali na handa nang magtrabaho ang K-12 graduates ngayong taon.<div>-- Ulat ni Warren De Guzman, ABS-CBN News</div>

Ayon sa Philippine Chamber of Commerce and Industry, tila kulang pa ang 80 oras o dalawang linggo lang na minimum requirement para sa on-the-job training ng unang batch ng K-12 na magtatapos sa Marso.

Ayon sa Philippine Chamber of Commerce and Industry, tila kulang pa ang 80 oras o dalawang linggo lang na minimum requirement para sa on-the-job training ng unang batch ng K-12 na magtatapos sa Marso.