Push Admin

Pagbaba ng presyo ng pagkain panawagan sa protesta sa DA

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2421362" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>Hiniling ngayong Lunes ng mga konsumer at magsasaka ang pagbaba ng presyo ng pagkain sa protestang isinagawa nila sa tanggapan ng Department of Agriculture sa Quezon City.Hindi na kasi anila makakain nang maayos ang maraming Pilipino bunsod ng taas-presyo ng mga bilihin.&quot;Panawagan namin sa Department of Agriculture lalo na sa Presidente, resolbahin niya ang matinding krisis natin sa pagkain. Dapat mag-isip siya ng long-term solution, &#x27;wag iasa sa importastyon,&quot; ani Cathy Estavillo ng grupong Bantay Bigas.Magugunitang inihayag ng pamahalaan na plano nitong mag-angkat ng higit 21,000 metric tons ng sibuyas para mapababa ang presyo nito sa merkado.Pero ayon sa mga demonstrador, hindi importasyon kundi pagbibigay ng ayuda sa onion farmers ang mas epektibo at pangmatagalang solusyon dito.Sa Kadiwa Market ng Department of Agriculture, may binebenta na ulit na mas murang sibuyas.Matapos kasi itong ipatigil noong isang linggo, may kooperatiba na nagdala ng 30 sako ng puting sibuyas na ibinenta ulit sa halagang P170 kada kilo.Pero nilinaw ng DA na hindi ito subsidized ng ahensiya.Limitado lang ang supply ng ibinebentang puting sibuyas sa Kadiwa at wala ring pulang sibuyas sa ngayon. Pero dinadayo pa rin ito ng mga mamimili dahil sa mababang presyo.Sa ngayon, nananatili sa P350 hanggang P500 ang sibuyas sa mga palengke sa Metro Manila.Inaasahan na bababa pa ang presyo kapag pumasok na ang mga inangkat na sibuyas.Pero ayon sa US-DA Agricultural Service Manila, posibleng hindi magtagumpay ang onion importation plan ng DA.Una&#x27;y dahil masyado nang malapit ang deadline ng pagpasok ng mga shipment, na itinakda ng DA sa Enero 27.Ang mga dadating pagkatapos ng nasabing petsa ay hindi na tatanggapin at isasauli.Limitado din umano ang puwedeng angkatin ng bawat importer at kung may isang importer na hindi umano makakaabot sa individual maximum volume ay hindi na maaabot ang quota.Limang pantalan lang din anila ang puwedeng pasukan ng imported na sibuyas.Sa pagdinig sa Senado, sinabi ni Bureau of Plant Industry Director Glenn Panganiban na hindi talaga maaabot ang higit 21,000 metric tons na volume na planong angkatin ng pamahalaan.Para naman sa ilang lider ng agriculture industry, dapat mas pagtuunan ng pansin ang pagpapatigil ng malakihang smuggling sa Pilipinas.Makatutulong anila ang pag-digitalize ng datos para malabanan ang pagpupuslit ng mga agricultural product.— Ulat ni Jervis Manahan, ABS-CBN News

Hiniling ng mga konsumer at magsasaka ang pagbaba ng presyo ng pagkain sa protestang isinagawa nila sa tanggapan ng Department of Agriculture.