Push Admin

Banta ng lahar sa paligid ng Mayon, pinangangambahan ng mga magsasaka

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/jHVNCYzOHFo?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nangangamba ang ilang residenteng apektado sa pag-aalburuto ng Bulkang Mayon sa pinsalang maaaring idulot ng lahar flow o pagragasa ng lahar sa kanilang mga panananim.</p><p>Nitong Miyerkoles, tumulak papuntang Budiao River Channel sa Daraga, Albay si Ed Laguerta, ang resident volcanologist ng Philippine Institute of Volcanology and Seismology (Phivolcs).</p><p>May bakas ng abo sa river channel pero ayon kay Laguerta ay hindi pa ito dinadaluyan ng lahar.</p><p>&quot;Ang nakita lang namin manipis ... kaya lang amoy na asupre. Ibig sabihin, may nadala na kaunti pero hindi naman natin matatawag na lahar iyon,&quot; ani Laguerta.</p><p>Ayon sa Phivolcs, delikado sa lahar flow ang mga river channel na sakop ng mga bayan ng Daraga, Camalig at Guinobatan. </p><p>Pinag-iingat din ang Legazpi City at Santo Domingo, Albay na malapit sa river channel.</p><p>Isa sa mga nangangambang residente ay si Jenita Pedrables na bumalik sa kaniyang taniman ng gabi sa may Budiao River Channel kahit umaambon.</p><p>Nanlumo siya dahil inanod ang kaniyang mga bagong tanim.</p><p>Dalangin ni Pedrables na huwag nang maglabas ng abo ang bulkan lalo&#x27;t isa ang kaniyang taniman sa maaaring mapinsala nito.</p><div><strong>Burol</strong></div><p>Sa labas ng danger zone, ibinurol naman ang 80 anyos na si Teodolo Precia matapos atakihin sa puso noong Martes ng madaling araw habang nasa evacuation center.</p><p>Nilinaw naman ng Tabaco City Disaster Risk Reduction and Management Council, walang kinalaman sa Mayon ang pagpanaw ni Precia.</p><p>Isang grupo naman ng mga babae sa Itaran, Polangui, Albay ang nag-ani ng mga petsay at mustasa para ibigay sa mga inilikas.</p><p>&quot;Ang aming pinagpaguran ay makakarating sa kanila at tsaka makakamtan nila, malaking tulong na ito sa kanila,&quot; ani Erlinda Vega, pangulo ng Itaran Women&#x27;s Progress Organization.</p><p>Laking tuwa ng mga nasa Nasis evacuation center nang ihandog sa kanila ang mga gulay na may kasama pang delata at noodles.</p><p>&quot;Malaking tulong ito sa aming evacuees dahil kung wala ito mahirap ang gulay namin,&quot; ani evacuee na si Rommel Bobis.</p><p>Nanatili sa Alert Level 3 ang Mayon habang patuloy ang pagtala ng mga lava collapse na nagdudulot ng makapal na usok at abo.</p><div><strong>--Ulat ni Jose Carretero, ABS-CBN News</strong></div>

<p>Ayon sa Phivolcs, delikado sa lahar flow ang mga river channel na sakop ng mga bayan ng Daraga, Camalig at Guinobatan. </p>

Ayon sa Phivolcs, delikado sa lahar flow ang mga river channel na sakop ng mga bayan ng Daraga, Camalig at Guinobatan.