Push Admin

Grade 12 student, nang-hack at nangikil sa babaeng may sensitibong larawan

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/v62nA_0icq0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Arestado ang isang grade 12 student matapos i-hack ang Facebook account ng isang babae, at nagbanta pa umano na ikakalat ang hubad na retrato ng biktima kung hindi ito magbibigay ng pera. Natimbog ng National Bureau of Investigation (NBI) Cybercrime Division ang 18 anyos na si Christian Gualvez sa outlet ng isang money transfer matapos kuhanin ang perang ipinadala ng biktimang si alyas “Jenny.”Kuwento ni Jenny, nagulat na lang siya nang mag-message sa kaniya si Gualvez at ipinadala ang pribado niyang retrato. Tinakot umano siyang ipagkakalat ang mga retrato kung hindi siya magbabayad ng P5,000.Hindi pa aniya nakuntento si Gualvez at tinaasan niya ang singil sa P10,000 kaya nagsumbong na ang biktima sa NBI at nagkunwaring pumayag nang magbayad. Hindi rin aniya inaasahan na teenager ang suspek. &quot;Expected ko po mas matanda pa po siya sa&#x27;kin. Hindi ko akalain na kayang gawin ito ng 18 years old,&quot; ani Jenny. Ayon kay Jenny, naka-private ang kaniyang mga retrato sa Facebook at ang kaniyang asawang overseas Filipino worker (OFW) lang ang nakakakita nito. Inamin naman ng suspek na isa siyang hacker at nagawan niya ng paraan na makuha ang password ng biktima na isang online seller sa iba’t ibang website.Umapela rin si Gualvez na huwag ituloy ang kaso laban sa kaniya.&quot;Huwag niyo po sanang ituloy &#x27;yung kaso. Di ko naman po talaga ikakalat &#x27;yun,&quot; aniya.Pero desidido si Jenny, at kinasuhan na ang suspek ng robbery extortion at paglabag sa Anti-Photo and Video Voyeurism Law. Iniimbestigahan din kung may iba pa siyang nabiktima lalo&#x27;t may ilang nagreklamo tungkol sa kaniyang modus operandi. Abiso naman ng NBI, gumamit ng mga password na mahirap hulaan, at siguraduhing secure ang mga website na pinupuntahan. <div>-- Ulat ni Niko Baua, ABS-CBN News</div>

Tinakot umano ang biktima na ipagkakalat ang mga retrato niya kung hindi siya magbabayad ng P5,000 sa suspek.

Tinakot umano ang biktima na ipagkakalat ang mga retrato niya kung hindi siya magbabayad ng P5,000 sa suspek.