Push Admin

Noynoy, mga dating opisyal, pinakakasuhan uli dahil sa 'Mamasapano'

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/8S5OaFPUwbQ?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><h3>Ilang naiwang kaanak ng &#x27;SAF 44,&#x27; umaasa pa rin sa hustisya</h3><p>Pinakakasuhan ng Office of the Solicitor General (OSG) sa Korte Suprema si dating Pangulong Benigno Simeon &quot;Noynoy&quot; Aquino III kaugnay sa madugong engkuwentro sa Mamasapano noong Enero 25, 2015, kasabay ng ikatlong anibersaryo ng trahedya ngayong Huwebes.</p><p>Sa inihaing &quot;manifestation&quot; sa Korte, iginiit ni Solicitor General Jose Calida na dapat humarap si Aquino sa kasong reckless imprudence resulting in multiple homicide dahil sa pagkamatay ng 44 na miyembro ng Philippine National Police-Special Action Force (PNP-SAF) sa Mamasapano.</p><ul class="op-related-articles">	<li><a href="http://news.abs-cbn.com/news/01/25/18/solgen-asks-sc-to-order-homicide-raps-vs-aquino-over-saf-44">SolGen asks SC to order homicide raps vs Aquino over SAF 44</a></li></ul><p>Gusto rin ng OSG na ipabasura ng Korte Suprema sa Ombudsman ang reklamong graft at usurpation of authority na isinampa laban kay Aquino.</p><p>Dapat ding mabawi ang pagbasura ng Ombudsman sa naunang reklamong homicide laban kina Aquino, dating PNP chief Director General Alan Purisima, at dating Special Action Force chief Director Getulio Napeñas.</p><ul class="op-related-articles">	<li><a href="http://news.abs-cbn.com/news/07/14/17/aquino-to-face-trial-for-mamasapano-carnage-ombudsman">Aquino to face trial for Mamasapano carnage: Ombudsman</a></li></ul><p>Dapat aniyang usigin ang tatlo para sa kasong pagpatay.</p><div><strong>PAGGUNITA SA SAF 44</strong></div><p>Pakay ng PNP-SAF na sumabak sa &quot;Oplan Exodus&quot; sa Mamasapano noong 2015 ang Malaysian bomb expert na si Zulkifli Bin Hir alyas &quot;Marwan&quot; na napatay ng tropa sa kaniyang pinagtataguan sa Sitio Tukanalipao.</p><p>Nang papaalis na sa lugar, naharang ang PNP-SAF ng mga miyembro ng Bangsamoro Islamic Freedom Fighters at Moro Islamic Liberation Front, na ang ilan ay inakalang inaatake sila ng mga tropa.</p><p>Sa isang programa sa SAF headquarters sa Taguig, ginunita ng PNP ang kabayanihan ng mga kasamahang nasawi sa Mamasapano.</p><p>Naroon din ang mga naiwang kaanak ng SAF 44, mga itinuturing na bayani ng Mamasapano.</p><p>Ayon sa ilang naulila, kahit matagal nang naihatid sa huling hantungan ang kanilang mga mahal sa buhay, sariwa pa rin ang kanilang pagnanais na makamit ang hustisya. </p><p>&quot;We believe that step by step, the perfect day will come and punish those people involved in that unacceptable day,&quot; sambit ni Julie Cayang-O, biyuda ng isa sa mga nasawing SAF 44.</p><p>(&quot;Naniniwala kaming darating ang araw na maparurusahan ang mga may kinalaman sa nangyari sa Mamasapano.&quot;)</p><ul class="op-related-articles">	<li><a href="http://news.abs-cbn.com/news/01/25/18/heroic-sacrifice-filipinos-urged-to-remember-fallen-saf-44">Heroic Sacrifice: Filipinos urged to remember fallen SAF 44</a></li></ul><div><strong>AQUINO VS. NAPEÑAS</strong></div><p>Nakiisa rin si Napeñas sa paggunita sa ikatlong anibersaryo ng Mamasapano encounter.</p><p>Sa okasyon, tumirada ang dating SAF director kay Aquino.</p><p>&quot;Di ba lagi akong sinisisi? Binola ko daw? Na para akong tanga? Pero after all those years na si Marwan, more than 10 years na siya sa Mindanao e, paikot-ikot, I&#x27;m proud na kami ang nakakuha. I&#x27;m proud na kami &#x27;yong na-dedicate ng buhay namin na kunin siya. Dahil baka libo ang mamamatay kung buhay pa siya,&quot; ani Napeñas.</p><p>Bumuwelta naman kay Napeñas si Aquino na dumalaw sa puntod ng inang si dating Pangulong Corazon Aquino para gunitain ang kaniyang birth anniversary.</p><p>&quot;No, no, no, that&#x27;s incorrect. He (Napeñas) made himself look incompetent because he actually performed incompetently,&quot; ani Aquino.</p><p>Bagong talagang pinuno ng SAF si Director Noli Taliño na isa sa mga nagplano sa Oplan Exodus.</p><p>Nauna siyang idinamay sa kasong sinampa sa Ombudsman kaugnay ng Mamasapano encounter ngunit kalauna&#x27;y naabsuwelto.</p><p>&quot;Feeling ko vindicated ako, pero nauna na &#x27;yon because ang kaso namin, na-dismiss na sa Ombudsman,&quot; ani Taliño. &quot;Focus natin ngayon ay ma-improve ang capabilities ng SAF.&quot;</p><p>Pinuna naman ni Justice Secretary Vitaliano Aguirre ang bagal ng pag-aksiyon ng Korte Suprema sa paglipat ng mga kaso laban sa mga tauhan ng BIFF at MILF mula Cotabato City patungong Metro Manila.</p><p>Ayon kay Aguirre, isang taon na pero hindi pa rin nadedesisyonan ng Korte ang kanilang kahilingan.</p><p>Si Aguirre rin ang dating abogado ni Napeñas sa kaso sa Mamasapano encounter.</p><div><strong>-- Ulat ni Raffy Santos, ABS-CBN News</strong></div>

<p>Iginiit ng Solicitor General na dapat humarap ang dating pangulo sa kasong homicide dahil sa pagkamatay ng 44 na miyembro ng PNP-SAF sa Mamasapano noong 2015.</p>

Iginiit ng Solicitor General na dapat humarap ang dating pangulo sa kasong homicide dahil sa pagkamatay ng 44 na miyembro ng PNP-SAF sa Mamasapano noong 2015.