Push Admin

Alert level ng Taal ibinaba; mga residente sa piling bayan balik-tahanan na

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/news/01/25/taal-volcano-saturday.jpg"/><figcaption>Bulkang Taal.<em> Ryan Evangelista, ABS-CBN News</em></figcaption></figure></div><p>MAYNILA<strong> (UPDATE) </strong>— Ibinaba ngayong Linggo ang status ng Bulkang Taal sa alert level 3 mula 4 dahil sa pagbaba ng tsansang magkaroon ng hazardous eruption o mapanganib na pagsabog, ayon abiso ng Philippine Institute of Volcanology and Seismology (Phivolcs).</p><p>Sa kabila nito, hindi pa rin umano dapat maging kampante ang publiko dahil hindi pa rin tumitigil ang aktibidad ng bulkan at hindi pa nawawala ang banta ng mapanganib na pagsabog.</p><figure class="op-interactive"><iframe height="315" src="https://www.youtube.com/embed/Nu8fRJWTpfg?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>&quot;Ang pagbaba sa alert level 3 base sa mga parametrong binabanatayan ay nagpapakita ng pagbaba ng tendency towards towards hazardous eruption,&quot; ani Phivolcs officer-in-charge Renato Solidum.</p><p>&quot;Pero ito po ay hindi nangangahulugan na ang aktibidad ng Taal Volcano ay tumigil na, o di kaya&#x27;y ang banta ng mapanganib na eruption ay nawala na po. Nandyan pa po,&quot; dagdag niya.</p><p>Noong Enero 12, itinaas ng Phivolcs ang alert level 4 sa Taal, dahilan para puwersahang lumikas ang mga residente mula sa mga bayang sakop ng 14-kilometer danger zone.</p><p>Ang alert level 4 ay nangangahulugan ng posibilidad ng isang mapanganib na pagsabog sa mga susunod na oras o araw.</p><p>Dahil sa pagbaba ng alert level, maaari nang makauwi ang mga residente sa mga bayan ng Batangas na naka-lockdown, maliban sa Agoncillo at Laurel, ayon sa gobernador ng lalawigan na si Hermilando Mandanas.</p><p>Hindi pa puwedeng makabalik ang mga taga-Agoncillo at Laurel dahil sakop ang parehong bayan ng 7-kilometer danger zone sa ilalim ng alert level 3, ayon kay Mandanas.</p><p>&quot;It is still possible that Taal Volcano may still erupt. Therefore, all returning residents must be constantly alert, vigilant and ready to evacuate within one hour,&quot; aniya.</p><p>Sa isang abiso, inilista ang mga lugar kung saan maaari nang makabalik ang mga residente: Alitagtag, Balete, Cuenca, Lemery, Lipa City, Malvar, Mataasnakahoy, San Nicolas, Sta. Teresita, Taal, Talisay, and Tanauan City.</p><p>Nilinaw ni Mandanas na walang transportasyon at pagkaing ibibigay sa mga tao sakaling magpasya silang bumalik sa kanilang mga bayan.</p><p>Iyong mga nasa evacuation center lang daw ang bibigyan ng mga pangangailangan.</p><p>Nananatili namang naka-lockdown ang volcano island dahil ito ay permanent danger zone.</p><figure class="op-interactive"><iframe height="315" src="https://www.youtube.com/embed/5CRfrJhF1fI?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>BALIK-TAHANAN</strong></div><p>Matapos ang anunsiyo, daan-daang mga residente ang dumeretso agad pabalik sa kani-kanilang mga bayan.</p><p>Mistulang may motorcade sa Pansipit Bridge Taal-Lemery Boundary nang payagan na ang mga residente ng Lemery na makabalik sa kanilang mga bahay.</p><p>Deretso sa paglilinis ng kanilang mga naiwang lugar ang mga umuwing residente.</p><figure class="op-interactive"><iframe height="315" src="https://www.youtube.com/embed/8mDe9aUjjFc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa Talisay, minamadali na ng Batangas Electric Cooperative 2 ang paglilinis sa mga insulator ng transmission lines bago ibalik ang suplay ng kuryente sa bayan.</p><p>Sa Balate, bukod sa mga bahay, agad inatupag ng mga umuwing residente ang kanilang mga kabuhayan.</p><p>May ilang mangingisda sa bayan ang agad nanghuli at nagbenta ng mga isda mula Taal Lake.</p><figure class="op-interactive"><iframe height="315" src="https://www.youtube.com/embed/x9xLrqz13-I?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kung may mga umuwi, may mga nagdesisyon namang manatili sa mga evacuation center, gaya ni Cassandra Cerrado na lumikas sa Batangas Sports Complex.</p><p>Bukod kasi sa walang masakyan, hindi pa matiyak ni Cerrado kung nakatayo pa ang kanilang bahay sa bayan ng Taal.</p><p>&quot;Hangga&#x27;t wala kaming masasakyan, mag-stay kami dito. Nabibigay naman po nila (mga pangangailangan),&quot; aniya.</p><p>Sa Tagaytay City, nag-anunsiyo ang pamahalaang lokal na balik-eskuwela na simula Lunes, Enero 27, ang mga estudyante sa ilang paaralan.</p><ul class="op-related-articles">	<li><a href="https://news.abs-cbn.com/news/01/26/20/classes-in-tagaytay-to-resume-monday-jan-27">Classes in Tagaytay to resume Monday, Jan. 27</a></li></ul><p>Saktong 2 linggo nang magkaroon ng puwersahang evacuation sa maraming bayan sa paligid ng bulkan, dahilan para manatili ang libo-libong pamilya sa iba&#x27;t ibang evacuation centers. <strong>—May ulat nina Bianca Dava, Jorge Cariño, Dexter Ganibe, Anjo Bagaoisan, at Jonathan Magistrado, ABS-CBN News</strong></p>

<p>Ibinaba ngayong Linggo ang status ng Bulkang Taal sa alert level 3 dahil sa pagbaba ng tsansang magkaroon ng hazardous eruption o mapanganib na pagsabog.</p>

Ibinaba ngayong Linggo ang status ng Bulkang Taal sa alert level 3 dahil sa pagbaba ng tsansang magkaroon ng hazardous eruption o mapanganib na pagsabog.