Push Admin

Scammer timbog sa pagkopya sa account ng online seller para makapanloko

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1611888" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA – Arestado ng National Bureau of Investigation (NBI) Special Action Unit ang isang scammer na kinokopya ang account ng online jewelry seller para masalisihan ang mga bayad ng customers.</p><p>Sa isang entrapment operation, nagpanggap na delivery rider ang <br/>isang NBI agent para i-deliver ang alahas kay Hanna Dadea sa Pasay City.</p><p>Nang tanggapin na ni Dadea ang package, inaresto na ito ng mga awtoridad.</p><p>Ikinasa ang operasyon matapos magreklamo ang ilang buyer laban sa isang online jewelry business.</p><p>Nagpapadala kasi sila ng pera sa online seller pero di dumadating ang mga alahas na kanilang ino-order. </p><p>Nadiskubre na bogus account pala ang kanilang katransaksiyon. Kinopya pala ng suspek ang detalye ng online account ng seller pati ang mga paninda nito.</p><p>&quot;Kinokopya niya account ng jewelry seller, na siya &#x27;yon, lahat ng display ng jewelry owner nasa display na rin niya &#x27;yon,&quot; sabi ni Emeterio Dongallo ng NBI. </p><p>Na-trace kay Dadea ang bogus na account.</p><p>Ang kanyang modus, kapag may um-order na customer sa kanyang account, binibigay niya ang bank account ng legitimate jewelry online seller.</p><p>Kapag nakapagbayad na ang customer, papalabasin ni Dadea na siya ang nagpadala ng pera at ipapa-deliver na niya ang alahas sa kanyang bahay habang ang original buyer ay walang matatanggap na alahas. </p><p>Para kumita, binibenta naman ni Dadea ang mga alahas sa mas mababang presyo.</p><p>Payo ng NBI, siguraduhing lehitimong seller ang kausap lalo na kung malaking halaga ang binibiling produkto.</p><div><strong>–Ulat ni Zyann Ambrosio, ABS-CBN News</strong></div>

<p>Arestado ang isang scammer na kinokopya ang account ng online jewelry seller para maibulsa ang bayad ng customers. </p>

Arestado ang isang scammer na kinokopya ang account ng online jewelry seller para maibulsa ang bayad ng customers.