Push Admin

ALAMIN: Paunang guidelines sa pagpapalawig ng face-to-face classes

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mga estudyanteng papasok sa Ricardo P. Cruz Sr. Elementary School sa Taguig City noong Disyembre 6, 2021. Jonathan Cellona, ABS-CBN News/File" src="https://sa.kapamilya.com/absnews/abscbnnews/media/2022/tvpatrol/02/03/20211206-face-to-face-class-taguig-_011712000.jpg"/><figcaption>Mga estudyanteng papasok sa Ricardo P. Cruz Sr. Elementary School sa Taguig City noong Disyembre 6, 2021. <em>Jonathan Cellona, ABS-CBN News/File</em></figcaption></figure></div><p>MAYNILA (UPDATE) — Pinayagan na ng Department of Education (DepEd) na mas maraming paaralan ang magdaos ng face-to-face classes, na aarangkada sa magkakaibang araw sa mga rehiyon.</p><p>Ayon kay Education Secretary Leonor Briones, binigyan na niya ng hudyat ang pagsisimula ng &quot;expansion&quot; ng face-to-face classes sa mga pampubliko at pribadong paaralan basta susunod sa itinakdang panuntunan ng DepEd.</p><p>Inilabas ngayong Huwebes ng DepEd ang kopya ng department order na naglalaman ng ilang paunang patakaran sa expansion ng face-to-face classes.</p><p>Ayon sa DepEd, ang paaralang magsasagawa ng face-to-face classes ay dapat compliant sa standards ng School Safety Assessment Tool (SSAT).</p><p>Mga paaralang nasa Alert Level 1 at 2 lang din ang puwedeng magdaos ng face-to-face classes.</p><ul class="op-related-articles">	<li><a href="https://news.abs-cbn.com/news/02/02/22/deped-allows-start-of-expanded-in-person-classes">DepEd starts &#x27;progressive expansion&#x27; of in-person classes</a></li></ul><p>Inoobliga rin ang mga paaralang makipag-ugnayan sa lokal na pamahalaan para sa kanilang operasyon.</p><p>Kailangan ding lumagda sa written consent ang mga magulang ng mga batang lalahok sa face-to-face classes.</p><p>Pinapayagan na ring lumahok sa face-to-face classes ang mga estudyante sa Grade 4 hanggang 6 at junior high school, kasunod ng Kindergarten hanggang Grade 3 at senior high school na pinayagan noong pilot phase.</p><div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2022/tvpatrol/02/03/deped-interim-guidelines.jpg" src="https://sa.kapamilya.com/absnews/abscbnnews/media/2022/tvpatrol/02/03/deped-interim-guidelines.jpg"/></figure></div><p>Binibigyan na rin ng flexibility ang mga paaralan sa oras ng pagtuturo basta hindi sila kakain sa paaralan.</p><p>Nagpaalala rin ang DepEd na tanging mga bakunadong guro lang ang puwedeng sumali sa face-to-face classes.</p><p>Iba-ibang petsa ang itinakda ng regional at division offices ng DepEd sa pagsisimula ng expansion phase, batay sa kanilang kahandaan:<br/> </p><ul>	<li>National Capital Region - Feb. 9</li>	<li>Batanes - Feb. 7</li>	<li>Bulacan - Feb. 21</li>	<li>Cavite at Rizal - Feb. 14</li>	<li>Southern Leyte - Feb. 7</li>	<li>Maasin City at Biliran City - Feb. 14</li></ul><p>Sa Calabarzon, magbubukas na ulit ang klase matapos ang 3 linggong pahinga dahil sa health break at mid-year break.</p><p>Sa isang memorandum, sinabi ng regional DepEd office na ipagpapatuloy ng mga pampublikong paaralan ang second quarter ng school year 2021-2022 sa Pebrero 7 hanggang 12.</p><p>Aarangakada naman sa Pebrero 14 hanggang Abril 8 ang third quarter habang sa Abril 11 hanggang Hunyo 24 ang fourth quarter.</p><p>Samantala, 57 eskuwelahan sa rehiyon — 21 sa Rizal at 36 sa Cavite — ang lalahok sa expansion phase ng face-to-face classes.</p><p>Ayon sa DepEd, nakumpleto na ng mga eskuwelahan ang requirements ng SSAT at ngayo&#x27;y nakikipag-ugnayan na sila sa mga lokal na pamahalaan.</p><div><strong>— Ulat nina Jaehwa Bernardo, Michael Delizo at Arra Perez, ABS-CBN News</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1914886" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Inilabas ng DepEd ang interim guidelines para sa expansion phase ng face-to-face classes.