Push Admin

Tensiyon namuo sa bayan sa Lanao Del Norte bago mag-BOL plebiscite

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2019/news/01/22/20190121-cotabato-plebiscite-jc-7656.jpg"/><figcaption>Bumoboto ang ilang residente ng Sultan Kudarat para sa plebisito ng Bangsamoro Organic Law noong Enero 21, 2019. <em>Jonathan Cellona, ABS-CBN News</em></figcaption></figure></div><p>Isang araw bago ang ikalawang plebisito para sa Bangsamoro Organic Law (BOL), bahagyang nagkatensiyon sa isang barangay sa bayan ng Tubod, Lanao Del Norte.</p><p>Aabot sa 100 miyembro ng Moro Islamic Liberation Front (MILF) mula Lanao Del Sur ang namataan sa Barangay Bulod, na ikinatakot ng mga residente.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1392419" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Hindi naman umano armado ang mga MILF member pero grupo-grupong dumating ang mga ito lulan ng mga pribadong sasakyan.</p><p>&quot;Natatakot sila, baka daw may mangyari sa amin,&quot; sabi sa ABS-CBN News ng residenteng si Jean Tibon.</p><p>Pero ayon kay MILF Deputy for 119th Base Command Abu Jamel Cadayon, wala silang intensiyon na manakot kundi para mag-obserba sa idaraos na halalan sa Miyerkoles.</p><p>&quot;Gusto namin tingnan ang maraming tao kung gusto nila ang BOL (Bangsamoro Organic Law). Hindi kami nagpunta rito para manggulo, wala sa isipan namin yan,&quot; ani Cadayon.</p><p>Agad namang dumating sa lugar ang ilang armadong sundalo.</p><p>Tiniyak din ng Tubod police na walang dapat ikatakot ang mga residente dahil kontrolado naman daw nila ang sitwasyon at ininspeksiyon ang mga MILF.</p><p>&quot;&#x27;Yong presence ng MILF, as long as walang ginawang masama, okay lang po,&quot; ani Chief Inspector Rodolfo Dongiapon, hepe ng Tubod police.</p><p>Sa kabila ng pagtiyak ng pulisya at militar sa seguridad, ilang residente ang lumikas papuntang Iligan at Ozamiz City dahil sa takot na magkagulo lalo kapag natalo ang BOL.</p><ul class="op-related-articles">	<li><a href="https://news.abs-cbn.com/news/02/04/19/seguridad-pinaigting-sa-lanao-del-norte-para-sa-bangsamoro-plebiscite">Seguridad pinaigting sa Lanao Del Norte para sa Bangsamoro plebiscite</a></li></ul><p><a href="https://news.abs-cbn.com/news/02/05/19/second-autonomy-vote-set-for-bigger-bangsamoro-region">Pagpapasyahan </a>sa plebisito sa Miyerkoles kung mapapabilang ba o hindi sa bagong Bangsamoro Autonomous Region in Muslim Mindanao (BARMM) ang ilan pang lugar sa Mindanao.</p><p>Kabilang sa mga boboto ang anim na bayan sa Lanao del Norte at 67 barangay sa North Cotabato.</p><p>Sa North Cotabato, tatlong bayan — kabilang ang Pikit, Midsayap, at Tulunan — ang inilagay sa areas of immediate concern matapos mamataan ang mga armadong grupo.</p><p>Magsisimula ang plebisito alas-7 ng umaga at magtatapos alas-3 ng hapon.</p><p>Nauna nang nagdaos ng plebisito noong Enero 21, na naging daan sa <a href="https://news.abs-cbn.com/news/01/25/19/new-era-dawns-for-bangsamoro-as-stronger-autonomy-law-ratified">pagkakaratipika </a>ng BOL.</p><p>Sa ngayon, mapapabilang sa BARMM ang Cotabato City, Basilan (maliban sa Isabela City), Lanao Del Sur, Maguindanao, Sulu at Tawi-Tawi.</p><div><strong>--Ulat nina Ron Gagalac at Christian Esguerra, ABS-CBN News</strong></div>

<p>Isang araw bago ang ikalawang plebisito para sa Bangsamoro Organic Law, bahagyang nagkatensiyon sa isang barangay sa bayan ng Tubod, Lanao Del Norte.</p>

Isang araw bago ang ikalawang plebisito para sa Bangsamoro Organic Law, bahagyang nagkatensiyon sa isang barangay sa bayan ng Tubod, Lanao Del Norte.