Push Admin

Mas maraming paaralan sa NCR, nagsimula nang mag-face-to-face classes

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1921718" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Sa masiglang flag ceremony sinimulan ng mga estudyante at guro ang pagbabalik ng face-to-face classes sa Pio del Pilar Elementary School sa Maynila, na kasama sa expansion phase o pagbubukas ng mas maraming paaralan sa National Capital Region (NCR). Pero hindi lahat ay excited, gaya ng Grade 1 student na si Christian Diaz na ayaw mawalay sa ama.&quot;Medyo nahihiya... [pero] gustong-gusto niya talagang pumasok,&quot; sabi ng ama na si Wilfredo.Nagpasya si Wilfredo na ipagpaliban ang pagpasada ng kaniyang pedicab para bantayan ang anak hanggang sa makasabay sa mga kaklaseng sinasanay sa face-to-face classes sa harap ng COVID-19 pandemic.<ul class="op-related-articles">	<li><a href="https://news.abs-cbn.com/news/02/09/22/metro-manila-schools-reopen-for-in-person-classes">Metro Manila schools reopen for in-person classes</a></li></ul>&quot;Ine-encourage po siya na maki-join sa classmates niya... pagsasabihan na kaya niya &#x27;yon, para matuto siya,&quot; anang guro na si Lolibeth Recto.Maliban sa kahandaan sa pagtuturo, nakalatag na rin ang health protocols at contingency plan sakaling may magkasakit o makaramdam ng COVID symptoms.&quot;&#x27;Pag may symptoms ang bata, ipapa-test namin siya. I-isolate kaagad siya. Mayroon kaming clinic,&quot; sabi ng principal na si Susan Ramos.Ang paaralan na rin umano ang makikipag-ugnayan sa local government unit para sa mas mabilis na registration ng mga nais magpabakuna.Ganoon din ang ginawa sa Ignacio Villamor Senior High School, kung saan bakunado ang lahat ng mga estudyanteng bumalik sa physical classes ngayong Lunes.Hybrid learning ang istilo ng paaralan, kung saan sabay na tinuturuan ang mga nagpe-face-to-face classes at present sa online class.&quot;Dito sa community namin, marami ditong bata, overaged na. Nagtatrabaho na sila, pero gusto talaga nilang makapag-aral,&quot; paliwanag ng principal na si Jonathan Nacua.&quot;Sabi ko sa kanila, &#x27;Huwag kayong mag-alala kasi kahit may face-to-face na, continue pa rin iyong ating online. Sabay nga sila,&#x27;&quot; aniya.Ayon kay Wilfredo Cabral, regional director ng Department of Education (DepEd) sa NCR, &quot;generally smooth&quot; ang pagbabalik ng face-to-face classes sa rehiyon.Wala pang bilang ang DepEd kung ilang paaralan ang nadagdag sa ilalim ng expansion phase.Umaasa na ang DepEd na patungo na sa new normal phase ang edukasyon, kung saan bahagi ng pag-aaral ang in-person classes at home-based learning. Maliban sa mga paaralan sa expansion phase, balik-physical classes na rin ang mga lumahok sa pilot phase ng face-to-face classes.Puwede na ring magsimula ng expansion phase ang mga paaralan sa ibang rehiyon, batay sa kanilang kahandaan.<div>—Ulat ni Arra Perez, ABS-CBN News</div>