Push Admin

Mga magtuturok ng COVID-19 vaccine, kabado at excited sa pagbabakuna

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/news/08/25/20170606-up-pgh-md-1.jpg"/><figcaption>Philippine General Hospital sa Maynila.<em> ABS-CBN News/File</em></figcaption></figure></div><p>MAYNILA – Sa nalalapit na pagbabakuna sa mga health care worker at staff ng Philippine General Hospital (PGH), isa sa mga unang napiling turukan ng COVID-19 vaccine ang spokesperson ng ospital na si Dr. Jonas del Rosario.</p><p>Matinding dagok ang naranasan ni Del Rosario—isang COVID-19 survivor—ngayong pandemya matapos bawian ng buhay ang kaniyang mga magulang, na dinapuan din ng virus.</p><p>“The reason why I could be one of the first is to put credibility and confidence to others,” ani Del Rosario.</p><p>Ngayong napili na ang unang babakunahan sa PGH , tukoy na rin kung sino ang kanilang vaccinator: ang nurse na si Chareluck Santos.</p><p>Ayon kay Santos, hindi naging madali ang pagsasanay nila sa Department of Health kaugnay sa pagbibigay ng bakuna.</p><p>Isa rin umano si Santos sa mga nag-train sa higit 20 vaccinator sa kanilang ospital.</p><p>“Kinabahan ako, at the same time, excited din. Ito na ang isa sa pinakahinihintay naming health care workers,” ani Santos.</p><p>“Na-challenge din ako. Kami ‘yong magsisimula kaya kailangan magawa namin nang maayos at mahusay ang pagbabakuna,” dagdag niya.</p><p>Sinanay ang mga vaccinator sa wastong pag-aspirate ng bakuna mula sa vial.</p><p>Dapat daw kasing walang masayang at magamit ang bawat patak ng bakuna.</p><p>“Nakakapag-practice naman kami, nakakakuha naman kami ng sapat na dami ng doses. Ang isang challenge lang din sa amin ay kung malapot ba siya (vaccine) talaga,” kuwento ni Santos.</p><p>“Kapag mas malapot, mas mahirap po siyang i-aspirate. So there’s a possibility na hindi ka talaga makakakuha ng madaming doses at maiiwan siya sa bote... may needle requirements din,” aniya.</p><figure class="op-interactive"><iframe height="315" src="https://www.youtube.com/embed/zHD2cgjQYe4?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nakatoka naman ang nurse na si Marian Villanueva na bakunahan si PGH Director Dr. Gerardo Legaspi.</p><p>“Siyempre both anxious and excited. Director ito. I have to make sure na tama ang pagbabakuna ko at hindi masyadong masakit kasi director namin ‘yon. But it’s also a privilege na ako ang na-assign,” ani Villanueva.</p><p>Mabigat man ang responsibilidad, hindi naman daw aatras si Villanueva sa hamon.</p><p>“Aside from being vaccinators, we want to be advocates of vaccination,” ani Villanueva.</p><p>Subalit lumalabas sa survey ng Department of the Interior and Local Government (DILG) na 3 lamang sa bawat 10 indibiduwal sa Metro Manila ang payag na mabigyan ng bakuna kontra COVID-19.</p><p>Lubhang mababa ito sa 80 porsiyento ng populasyon ng National Capital Region na target mabakunahan para makamit ang herd immunity.</p><p>“Umiikot kami sa Metro Manila, Calabarzon. Sa susunod na linggo, bibiyahe rin po kami pa-Mindanao para ipaliwanag ho sa taumbayan ang kahalagahan ng pagbabakuna,” ani DILG Secretary Epimaco Densing III.</p><ul class="op-related-articles">	<li><a href="https://news.abs-cbn.com/news/12/23/20/paano-gumagana-ang-covid-19-vaccine-makakamit-ang-herd-immunity">Paano gumagana ang COVID-19 vaccine, makakamit ang herd immunity?</a></li></ul><ul class="op-related-articles">	<li><a href="https://news.abs-cbn.com/news/02/09/21/ano-ang-dapat-asahan-kung-magpapabakuna-kontra-covid-19">Ano ang dapat asahan kung magpapabakuna kontra COVID-19?</a></li></ul><p>Payo ni Santos sa mga may agam-agam sa bakuna: “Normal lang magkaroon ng takot dahil ito ay bagong bakuna. Pero ang ating takot ay ating malalabanan sa tamang pag-aaral at pag-alam kung ano ba talaga ang bakunang ito at makapagdesisyon din tayo sa ating sarili.”</p><p>“People have to keep educating themselves about the COVID-19 vaccine. Alamin natin through reliable and trusted sources what the vaccines can do... We must educate ourselves because that will address our fears and anxiety sa vaccine,” sabi naman ni Villanueva.</p><p>Nakatakdang magdaos ng simulation ng vaccination program ang PGH sa Lunes.</p><div><strong>– Ulat nina Bianca Dava at Michael Delizo, ABS-CBN News</strong></div><div><strong>RELATED VIDEO:</strong></div><figure class="op-interactive"><iframe height="315" src="https://www.youtube.com/embed/m0Z8uHOcbu8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Sumailalim sa pagsasanay ang ilang health care worker ng Philippine General Hospital kaugnay ng pagtuturok ng bakuna kontra COVID-19.</p>

Sumailalim sa pagsasanay ang ilang health care worker ng Philippine General Hospital kaugnay ng pagtuturok ng bakuna kontra COVID-19.