Push Admin

Mga taga-Taal Island inilikas dahil sa volcanic activity

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2021/news/02/16/20210216-taal-residents-evac-dd.jpg?ext=.jpg"/><figcaption>Pinalikas nitong Pebrero 16, 2021 ang mga nakatira sa Taal Volcano Island o Pulo matapos magbabala ang mga awtoridad ng posibleng phreatic explosion nito. <em>Dennis Datu, ABS-CBN News</em></figcaption></figure></div><p>Inilikas ng mga tauhan ng Philippine Coast Guard ang mga nakatira sa &quot;Pulo&quot; o Taal Volcano Island matapos magbabala ang Philippine Institute of Volcanology and Seismology (Phivolcs) ng posibleng phreatic explosion kasunod ng pagtaas ng bilang ng mga naitatalang pagyanig sa isla.</p><p>Ang lokal na pamahalaan ng Talisay, Batangas ang nag-utos sa paglikas sa mga nakatira sa isla, karamihan ay mga nag-aalaga ng mga isda, bilang paghahanda sakaling magkaroon ng pagputok ang bulkan. </p><p>Kabilang sa mga inilikas si Nemia Galang at kaniyang mga anak, pero nagpaiwan ang asawa niya.</p><p>Kung may maayos lang daw silang malilipatan, hindi na raw sila maninirahan sa bulkan.</p><p>&quot;Ang hirap sa evacuation, lalo na wala kami bahay na matutuluyan... gusto kasi namin kapag kami ay kinuha, mayroon na kami talaga matutuluyan para hindi na kami pabalik-balik,&quot; ani Galang.</p><p>Nasa 60 residente ang inilikas ng mga taga-Coast Guard at pulis.</p><p>Ipinaliwanag sa kanila ng mga awtoridad kung bakit kailangan lumikas.</p><p>Nauunawaan naman daw ito ng mga residente pero hiniling nilang payagan sila na magpakain ng mga isda.</p><p>&quot;After magpatuka po, balik sila sa mainland kasi hindi naman po natin puwede pigilan &#x27;yong hanapbuhay nila,&quot; ani Capt. Llewelyn Reyes, hepe ng Talisay police. </p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1621845" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Isasama na rin sa paglikas ang mga alagang hayop gaya ng mga aso.</p><p>Ayon kay Phivolcs Director Renato Solidum, maraming pagyanig na naitala sa isla dahil sa hydrothermal activity o pagkulo ng tubig mismo sa bulkan. </p><p>Patunay umano ito ng pag-init ng tubig sa main crater lake at pagiging acidic nito.</p><p>&quot;&#x27;Yan po ay nagpapahiwatig na mataas ang aktibidad ng Taal Volcano kaysa sa mga nakaraang linggo kaya dapat mag-ingat,&quot; ani Solidum. </p><p>Para matiyak na wala nang makakabalik sa isla, nagdagdag ang Coast Guard ng rubber boats na nagpapatrolya.</p><p>Ipinagbawal na rin muna ng lokal na pamahalaan ang ecotourism activity.</p><p>Sa ngayon, nananatili sa Alert Level 1 ang Bulkang Taal pero maaari itong itaas sa Alert Level 2 kapag may na-monitor na pagtaas ng magma.</p><div><strong>-- Ulat ni Dennis Datu, ABS-CBN News</strong></div>

<p>Inilikas ng mga tauhan ng Philippine Coast Guard ang mga nakatira sa "Pulo" o Taal Volcano Island. </p>

Inilikas ng mga tauhan ng Philippine Coast Guard ang mga nakatira sa "Pulo" o Taal Volcano Island.