Push Admin

Lalaki namaril mula sa 2nd floor ng bahay; 3 patay, 4 sugatan

Article (news)

ABS-CBN News

MAYNILA - Pinagbabaril ng isang lalaki mula sa ikalawang palapag ng kanyang bahay sa Caloocan City ang mga nakatira sa kanyang tapat.Tatlo sa kanyang mga kapitbahay ang nasawi.Isa sa mga napaslang ay isang 72-anyos na babae, ang kanyang hipag, at ang kanyang kaibigan na nakatira sa kabilang bahayHabang ang kapatid niya naman na lalaki ay natamaan rin ng bala sa panga at hita.Kwento ng anak ng matanda, nagluluto lang ng hapunan ang kanyang kapatid at hipag sa labas, nang nakarinig siya ng malakas na kalabog. Pagsilip sa komusyon, nakita na niya nakahandusay ang kapatid.Nabaril naman ang hipag habang binibilin ang 4-anyos na anak.Pinagbabaril din ng lalaki ang ilang mga indibidwal naglalakad sa kalapit na kalsada.Kasama dito ang isang mag-ina na naglalakad sa kahabaan ng General Luna St. Sa CCTV, makikitang unang tumumba ang ina.Agad tinabi ng sugatan rin na dalagita ang kanyang nanay bago tumakbo sa barangay para humingi ng sakloloAyon sa pulisya, tatlong baril at higit 20 basyo ng bala ang narekober. Kusang sumuko naman ang suspek sa mga awtoridad.Paliwanag ng suspek, nagawa niya ang krimen dahil naburyong na ito.Kwento ng anak ng matandang nasawi, nakausap niya pa ang suspek noong umaga. Napansin niya na aligaga umano ito.Ayon naman sa barangay captain at pinsan ng suspek, dalawang beses ang suspek nagreklamo sa opisina nila nitong Miyerkoles. Aniya, tila praning na ito magisip at naniniwala siyang depressed na ito.Hawak ng pulis ang suspek na haharap sa patong patong na kaso.Nasa pangangalaga naman ng CSWD ang mga bata para sumailalim sa debriefing. - Ulat ni Anna Cerezo, ABS-CBN News

Pinagbabaril din ng lalaki ang ilang mga indibidwal naglalakad sa kalapit na kalsada.