Push Admin

BASAHIN: Paano maiwawasto ang maling detalye sa birth certificate?

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/P4T0_87uQGU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — May detalye ka ba sa birth certificate na nais mong ipabago? </p><p>Sinagot ng isang kawani ng Philippine Statistics Authority (PSA) sa programang &quot;Sakto&quot; nitong Miyerkoles ang ilang karaniwang tanong tungkol sa pagpapalit ng maling datos na nilalaman ng birth certificate. </p><p>Importante kasi umanong tama ang datos sa nasabing dokumento para walang gusot sa pagproseso ng iba pang papeles, gaya ng passport. </p><div><strong>Paano maiwawasto ang maling pangalan? </strong></div><p>Ayon kay Marissa Grande, pinuno ng PSA Civil Register Management Division, kinakailangan munang maghain ng &quot;petition for administrative correction&quot; ang aplikante. </p><p>Isusumite ito at ang iba pang mga requirement sa Local City Registry Office (LCRO).</p><p>Kapag hindi na nakatira ang aplikante sa siyudad kung saan siya ipinanganak, kinakailangan pang maghain ng &quot;migrant petition&quot; kapag gagawin ito sa tinitirahang siyudad. </p><p>&quot;Halimbawa ngayon nasa Manila ka pero ipinanganak ka sa Cebu, puwede kang mag-avail ng migrant petition,&quot; ani Grande. </p><p>Nasa P1,000 ang processing fee ng mga &quot;correction of clerical error&quot; habang P3,000 ang singil kapag babaguhin ang first name sa birth certificate. </p><div><strong>Puwede ba ipabago ang kasarian sa birth certificate? </strong></div><p>Isa rin sa karaniwang pinapabago ang kasarian sa birth certificate, na sinusundan din ang proseso sa pagpapabago ng pangalan.</p><p>Pero nilinaw ni Grande na para lang ito sa mga &quot;typographical error&quot; at hindi para sa mga sumasailalim sa sex change. </p><div><strong>Paano kapag nais sundan ang apelyido</strong> <strong>ng ama? </strong></div><p>Kung ginamit ng anak ang apelyido ng biological na ina at nais nitong sundan ang apelyido ng ama, maaaring mag-apply para sa supplemental report.</p><p>Ihahain lang ito sa LCRO at kung kasal ang mga magulang, dapat patunayang may kasalang nangyari sa pagitan nila. </p><p>&quot;Puwede gamitin &#x27;yung last name ng tatay provided na acknowledged siya ng tatay niya, and then ipinanganak siya ng March 19, 2004 onwards,&quot; ani Grande. </p><p>&quot;Pero kung ipinanganak before ang family code (o kung ipinanganak mula) August 3, 1988 [hanggang] March 18, 2004 puwede pa rin i-acknowledge through affidavit of admission of paternity &#x27;yon nga lang po hindi niya magagamit ang apelyido ng tatay niya,&quot; dagdag niya. </p><p>Kung gusto namang ipagamit sa anak ang apelyido ng bagong asawa, maaaring mag-file ng <a href="https://news.abs-cbn.com/news/02/18/20/alamin-proseso-parang-gawing-ligal-ang-pag-ampon-sa-kinupkop-na-bata">adoption</a>. </p>