Push Admin

Kakulangan sa nurses hamon sa universal health care: DOH

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1390778" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inamin ng Department of Health (DOH) na isa sa pinakamalaking hamon na haharapin nila sa pagsasakatuparan ng Universal Healthcare Act ay ang labis na kakulangan sa mga nurse.</p><ul class="op-related-articles">	<li><a href="https://news.abs-cbn.com/news/02/20/19/health-care-for-all-duterte-signs-universal-healthcare-act">Health care for all: Duterte signs Universal Healthcare Act</a></li></ul><p>Ayon kay DOH Undersecretary Eric Domingo, totoong isa ang under-staffing sa ilang ospital sa mga kailangang plantsahin muna para maging epektibo ang Universal Healthcare Act.</p><p>&quot;Ang hihilingin natin sa kanila, magsilbi sa bansa nang tatlong taon para mayroon tayong pool,&quot; panawagan ni Domingo.</p><p>Idinadaing nila ang pagdami ng mga nurse na Pinoy na pinipiling mangibang bansa para sa mas malaking pasahod at benepisyo.</p><p>Hindi naman masisisi ang mga nurse na umaalis lalo&#x27;t di hamak na malaki ang pagitan sa suweldo sa bansa kumpara sa suweldo sa abroad, base na rin sa datos ng Philippine Overseas Employment Administration (POEA).</p><p>Sa Germany, higit P100,000 ang panimulang sahod, sa Japan ay halos P80,000 at sa Saudi ay halos P60,000 naman. Karamihan pa rito ay libre ang pagkain at tirahan.</p><div><strong>HINAING NG MGA NURSE</strong></div><p>Nakiusap ang nurse na si alyas &quot;Reggie&quot; na huwag ipakita ang kaniyang mukha dahil sasali siya sa isang strike sa kanilang ospital.</p><p>Sobra na raw kasi ang pang-aabuso ng pinagtatrabahuhan niya.</p><p>Ayon sa kaniya, kulang sila sa tao at overworked pa, kung minsan ay aabot daw sa 20 oras ang kanilang duty kapag natambakan ng pasyente.</p><p>&quot;Iyung trabaho ng dalawa, nagiging trabaho ng isa... Para kaming glorified katulong,&quot; aniya.</p><p>Kahit 15 taon nang nagtatrabaho, P30,000 pa rin ang sahod ni Reggie. Ang mga bago nilang nurse, mas mababa ang sahod na nasa P11,000.</p><ul class="op-related-articles">	<li><a href="https://news.abs-cbn.com/news/06/13/18/ibang-nurse-sumasahod-ng-mas-mababa-sa-minimum">Ibang nurse, sumasahod ng mas mababa sa minimum</a>    </li></ul><p>Kaya minsan, nanghihinayang umano siya na hindi siya nag-abroad.</p><p>Ayon sa Filipino Nurses United, maraming ospital ang understaffed dahil sa baba ng sahod at miserableng kondisyon sa mga manggagawa.</p><p>&quot;Ako nag-ikot meron pang nurses na P200 a day. Meron pa na trainee. &#x27;Pag trainee walang sahod, wala ring benepisyo,&quot; ani Maristela Abenojar, vice president ng grupo.</p><p>Pagdating naman sa pasahod, kailangan daw ng batas para maitaas ito.<br/>    <br/>Salary grade 15 o P25,000 ang sahod ng mga nurse sa gobyerno at minimum wage naman sa mga pribado.</p><p>Ayon sa Bayan Muna party-list, patuloy nilang isusulong ang kanilang panukalang itaas sa P30,000 ang sahod ng mga nurse dahil hindi ito natugunan ng Universal Health Care law.</p><p>&quot;The law lacks the provisions that will address the concerns of nurses and the people,&quot; ani Bayan Muna party-list Rep. Carlos Zarate.</p><p>Hindi raw kasi mapipigilang umalis ng bansa ang mga nurse hangga&#x27;t hindi naitataas ang kanilang sahod.</p><p>Sabi ng DOH, target nila ngayong kumuha ng 26,000 health care workers at 17,000 dito ay mga nurse.</p><div><strong>—Ulat ni Zen Hernandez, ABS-CBN News</strong></div>

<p>Hindi umano mapipigilang umalis ng bansa ang mga nurse hangga't hindi naitataas ang kanilang sahod, ayon sa isang mambabatas.</p>

Hindi umano mapipigilang umalis ng bansa ang mga nurse hangga't hindi naitataas ang kanilang sahod, ayon sa isang mambabatas.