Push Admin

Sari-sari stores bawal magbenta ng gamot: DILG

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1940891" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>(UPDATE) Naglabas na ang Department of the Interior and Local Government (DILG) ng memorandum circular na nagbabawal sa mga sari-sari store at ibang maliliit na tindahan na magbenta ng gamot.</p><p>Kasama rito ang mga simpleng over-the-counter (OTC) drug gaya ng mga paracetamol, pain reliever at analgesic.</p><p>Ayon sa DILG, base ito sa matagal nang batas na Republic Act No. 10918 o Philippine Pharmaceutical Act na nilagdaan noong 2016. </p><p>Sinabi ni DILG spokesperson Jonathan Malaya na humingi ng tulong ang Food and Drug Administration (FDA) sa kanilang ahensiya para maipatupad ang nasabing batas.</p><p>&quot;Ang pinupuntirya kasi natin dito &#x27;yong mga fake drugs na kumakalat,&quot; ani Malaya.</p><p>Pero para sa mga residente sa isang barangay sa Pasong Tamo, Quezon City, malaking kawalan kung ipagbabawal ang pagbebenta ng gamot sa sari-sari store.</p><p>&quot;Kawawa naman kami. Paano na &#x27;yong walang pamasahe, hindi makakabili, walang pambili ng maramihan, saan kami kukuha?&quot; ani Ambraham Barquilla.</p><p>&quot;Very important ang tindahan sa amin kasi ang tindahan anytime makakatakbo ka, ando&#x27;n agad sa tindahan,&quot; sabi naman ni Evangeline Pernito.</p><p>Ayon kay Malaya, batid ng DILG na magiging mas mahirap para sa mga ordinaryong Pilipino ang access sa mga gamot pero pinatutupad lang ang batas.</p><p>&quot;&#x27;Yong batas ay maliwanag, walang exemption... kailangan na mayroong lisensiya mula sa FDA ang kahit ano&#x27;ng establisimyento,&quot; ani Malaya.</p><p>Inirekomenda naman ni FDA officer in charge Oscar Gutierrez ang pag-imbak ng sapat na supply ng gamot sa mga bahay.</p><p>Pero para sa ibang Pinoy, imposible ito.</p><p>&quot;Hindi lahat makakabili ng isang banig. Malayo pa ang botika,&quot; sabi ni Myla Rose Gabales.</p><p>Ayon kay Gutierrez, puwede ring mag-apply ang mga sari-sari store ng lisensiya para makapagbenta ng gamot.</p><p>&quot;May mga requirement na kailangan i-satisfy, kagaya ng ito ay under the supervision of a pharmacist,&quot; ani Gutierrez.</p><p>Sakaling mahuli at mapatunayang nagbebenta ng gamot ang hindi lisensiyadong establisimyento, maaaring pagmultahin ang mahuhuli ng hanggang P200,000 o makulong mula 1 buwan hanggang 1 taon.</p><p>Ayon kay DILG Secretary Eduardo Año, handa silang makipagtulungan sa Department of Health para palakasin ang mga botika ng barangay at botika ng bayan na maaaring magbigay ng libreng gamot sa mga mamamayan.</p><div><strong>— Ulat ni Wena Cos, ABS-CBN News</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1940319" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Inatasan ng DILG ang mga local government na magpasa ng ordinansang nagbabawal sa mga sari-sari store na magbenta ng gamot.