Push Admin

2 nakapuga sa kulungan sa Cagayan De Oro, nahuli ng mga pulis

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt=" Dalawang pugante matapos mahuli ng mga pulis sa Cagayan De Oro. Ayon sa hepe ng Police Station 3, tumakas ang dalawa noong nagka-brownout sa estasyon. Pebrero 25, 2022. Mula kay Police Cpt. Ernesto Sanchez" src="https://sa.kapamilya.com/absnews/abscbnnews/media/2022/news/02/25/dalawang-pugante.jpg"/><figcaption>Dalawang pugante matapos mahuli ng mga pulis sa Cagayan De Oro. Ayon sa hepe ng Police Station 3, tumakas ang dalawa noong nagka-brownout sa estasyon. Pebrero 25, 2022. Mula kay Police Cpt. Ernesto Sanchez</figcaption></figure></div><p>CAGAYAN DE ORO - Natunton ng mga pulis ang dalawang lalaki na nakatakas sa kulungan ng Police Station 3 sa Cagayan de Oro nitong Biyernes ng madaling araw.</p><p>Nahuli ang mga pugante na nagtatago sa inabandonang tindahan malapit sa kanilang bahay sa Barangay Gusa matapos ang halos siyam na oras na paghahanap ng mga pulis. </p><p>Kinilala ang mga lalaki na sina Sam Babion at Joshua Fortis. Nahuli si Fortis noong Pebrero 3 dahil sa kasong paglabag sa Republic Act 9165 o Comprehensive Dangerous Drugs Act, habang noong Miyerkules naman nahuli si Babion dahil sa kasong carnapping.</p><p>Ayon kay Police Cpt. Ernesto Sanchez, hepe ng Police Station 3, nagka-brownout sa kanilang estasyon at nakahanap ng pagkataon ang dalawang suspek para makatakas sa kulungan matapos nilang sirain ang rehas gamit ang steel saw.</p><p>Sa muling pagkakahuli ng mga suspek, napaiyak ang nanay ni Fortis dahil mas gusto niyang sumuko na lamang sa mga pulis ang anak. Giit naman ni Fortis na hindi siya nagbebenta ng illegal na droga. </p><p>Binalik na sa kulungan ang dalawang pugante kung saan sila sasampahan ulit ng kaukulang kaso.</p><div><strong>- Ulat ni Rod Bolivar</strong></div>

Natunton ang dalawang suspek matapos nilang tumakas sa kulungan gamit ang steel saw habang brownout.