Push Admin

Umano'y pekeng dentista tiklo sa entrapment sa Cavite

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2021/tvpatrol/02/23/entrapment.jpg"/><figcaption>Ayon sa pulisya, sa social media inaalok ng suspek ang kaniyang mga serbisyo. <em>ABS-CBN News</em></figcaption></figure></div><p>MAYNILA - Arestado ang isang babaeng umano’y pekeng dentista sa isang entrapment operation sa bayan ng Silang, Cavite Biyernes. </p><p>Ikinasa ang entrapment operation matapos makatanggap ng reklamo ang Philippine Dental Association laban sa suspek, na nag-aalok umano sa social media na magkabit ng braces. </p><p>Inaresto ang suspek nang kakabitan na ng brace ang isang asset na nagpanggap na pasyente. </p><p>Base sa mga record ng PDA, mula sa Professional Regulation Commission, walang record na nagpapatunay na rehistradong dentista ang suspek. </p><p>Ayon kay Dr. Ronnie Nunez, chairman ng anti-illegal practice of dentistry ng PDA, nag-ugat ito sa reklamo ng naging pasyente ng suspek. </p><p>Sa reklamo ng pasyente, nagpakabit umano siya ng brace pero lagi umanong pinipilit ng suspek ang pasyente na bumalik. </p><p>Sinusungitan pa umano ng suspek ang biktima kaya nagdesisyon itong magsumbong sa PDA. </p><p>Nagsagawa ng surveillance ang PDA hanggang sa matuklasan na peke ang dentista. </p><p>&quot;Ang komite kasi namin may coordinators, may coaches, may in charge sa entrapment at local governments at may naka-in charge ako sa DTI. &#x27;Yung aking chairman ng entrapment. Kasi may mga nagcomplain na sa chat group namin. Of course vineverify namin, sinusurvey namin,&quot; ani Nuñez. </p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1629237" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Taong 2016 pa umano nagsimula ang suspek na ang lahat ng transaksiyon ay ginagawa online sa Facebook page na “Perfect Smile Fashion Braces.” </p><p>Natuto umano ang suspek na magpakabit ng brace sa tulong ng mga kaibigan at training. </p><p>Giit ni Nuñez, mga lisensiyadong dentista lamang ang puwedeng mag-training, at ang nagsasagawa nito ay mga lisensiyadong dentista lamang. </p><p>Kakasuhan ang suspek sa paglabag sa Philippine Dental Act of 2007. </p><div><strong>— Ulat ni Dennis Datu, ABS-CBN News</strong></div>

<p>Nag-ugat ang pag-aresto sa suspek sa reklamo ng naging pasyente ng nasabing pekeng dentista sa bayan ng Silang.</p>

Nag-ugat ang pag-aresto sa suspek sa reklamo ng naging pasyente ng nasabing pekeng dentista sa bayan ng Silang.