Push Admin

DLSU College of Law ipinangalan na kina human rights champions Diokno, Tañada

Article (news)

ABS-CBN News

(UPDATE) Tatawagin nang De La Salle University Tañada-Diokno College of Law ang DLSU College of Law bilang pagpupugay sa namayapang mga dating senador at human rights champions na sina Jose “Ka Pepe” Diokno at Lorenzo “Ka Tanny” Tañada.Inanunsyo ito sa selebrasyon ng ika-100 taong anibersaryo ng kapanganakan ni Diokno bilang pagkilala sa dalawang natatanging produkto ng unibersidad na nagsulong ng karapatang pantao sa kanilang propesyon bilang mga abogado at mambabatas.Ayon sa De La Salle University, ito ay para magsilbing inspirasyon ang dalawang human rights champion sa mga susunod na henerasyon ng mga abogado mula sa unibersidad.Isang virtual marker din ang pinasinayaan sa selebrasyon.Nanguna si Tañada sa High School class nito sa DLSU nong 1918. Nagtapos ng abogasya sa University of the Philippines at nagkamit ng advanced law degrees sa Harvard Law School at University of Santo Tomas. Bukod sa pagiging senador, nagsilbi rin si Tañada bilang solicitor general, special prosecutor, at hukom.Nagtapos naman ng high school sa DLSU si Diokno at naging summa cum laude noong 1940 sa kursong commerce. Pagka-graduate sa kolehiyo, nanguna si Diokno sa CPA licensure examination at nanguna rin sa bar examination noong 1944 matapos mabigyan ng Korte Suprema ng special dispensation para kumuha ng pagsusulit maski hindi natapos ang kanyang law degree.Nagsilbi rin si Diokno bilang kalihim ng Department of Justice noong panahon ni Pangulong Diosdado Macapagal.<ul class="op-related-articles">	<li><a href="https://news.abs-cbn.com/spotlight/09/21/21/only-marcoses-benefited-from-martial-law-says-diokno">&#x27;Golden years of martial law&#x27; only for the Marcoses, says human rights lawyer</a></li></ul>Si Tañada ang nagsilbing abogado ni Diokno nang ipinakulong ito ng diktador na si dating Pangulong Ferdinand Marcos Sr. noong 1972. Kabilang din si Diokno at Tañada sa nagtatag ng Free Legal Assistance Group o FLAG, isang grupo ng mga abogado na nagsusulong ng karapatang pantao sa bansa.“Sa panahon ng batas militar, siya ang isa sa mga naunang lumaban sa diktaduryang Marcos, ipinagtanggol niya ang ating mga karapatan at ang ating kalayaan sa kabila ng pang-aabuso ng distaduryang Marcos.” ayon sa anak ni Diokno na si Atty. Chel Diokno.Naroon din sa pagtitipon ang anak ni Tañada na dating senador na si Wigberto Tañada. Nagpasalamat sila ni Atty. Chel sa natatanging pagkilala sa dalawang human rights champions. “You honor the ideas they fought for all their lives, national sovereignty, freedom, democracy, justice, truth, and human rights,” ayon kay Tañada.“This is a wonderful and fitting tribute to my dad and to Sen. Tañada, two towering Filipinos who dedicated themselves to building a just and humane Philippines,” dagdag ni Atty. Chel. Inilunsad din ang librong tungkol sa buhay ni Diokno na “Jose W. Diokno, Pamana” na isinulat ng anak nito na si Prof. Maria Socorro Diokno.— Ulat ni Jeffrey Hernaez, ABS-CBN News

Bilang pagpupugay ito sa 2 natatanging produkto ng unibersidad na nagsulong ng karapatang pantao sa kanilang propesyon bilang abogado at mambabatas.