Push Admin

May trabaho na bang mapapasukan ang K-12 graduates?

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/news/01/16/k-12-protest.jpg"/><figcaption>: Kuha sa isang rally ng mga estudyanteng kumokontra sa pagpapatupad ng K-12 program, Agosto 25, 2015. <em>File photo</em></figcaption></figure></div><p>Nakatakdang magtapos sa Marso ang unang batch ng mga estudyanteng sumailalim sa K-12 program ng gobyerno o ang pinalawig na basic education system ng Department of Education (DepEd) na sumasaklaw hanggang senior highs chool.</p><p>Sa ilalim ng K-12, sinasabing nagkakaroon na ng sapat na kakayahan ang isang estudyante para makapagtrabaho kahit hindi siya nakatapos pa ng kolehiyo.</p><p>Gayunman, hindi tiyak ng isang online jobs portal kung mayroon nga bang mga trabahong partikular na bubuksan o magiging rekisito ang pagtatapos sa senior highschool.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1438593" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Sa panayam ng &quot;S.R.O.&quot; ng DZMM kay Cielo Sonza, Jobstreet country marketing manager, sinabi niyang karamihan pa rin kasi sa mga nakapaskil sa kanilang trabahong mayroong opening ay para sa mga nakapagtapos ng kolehiyo.</p><p>&quot;Currently po, wala pa po kaming masyadong klarong view sa status po ng jobs to be made available to K-12 students by... the companies posting within Jobstreet,&quot; ani Sonza.</p><p>Dagdag ni Sonza, mayroon din namang mga trabaho sa industriya ng business process outsourcing (BPO) na bukas maging sa mga nakapagtapos lang ng high school.</p><p>Karaniwang ito ay mga trabahong entry-level o ibinibigay sa mga nagsisimula pa lang ng karera, gaya ng agents o telemarketers sa call center, merchandiser o salesperson, at posisyong clerical o administratibo.</p><p>&quot;The BPO industry and the companies within it are accepting po candidates or talents na high school graduate po ang tinapos,&quot; sabi ni Sonza.</p><p>Kumpiyansa rin si Sonza na mahihikayat ang mga kompanya na isaalang-alang ang kakayahan ng K-12 graduates para sa mga trabahong bubuksan.</p><p>&quot;Palagay namin &#x27;yong jobs na maaari rin, o nababatay rin sa fresh graduates, puwede rin sa K-12 students,&quot; aniya. &quot;The government and the private sector are still... working together to mobilize jobs for K-12 graduating students.&quot;</p><ul class="op-related-articles">	<li><a href="http://news.abs-cbn.com/news/02/27/18/alamin-mga-in-demand-na-trabaho-sa-bansa-ngayong-2018">ALAMIN: Mga &#x27;in demand&#x27; na trabaho sa bansa ngayong 2018</a></li></ul><p>Maging ang Department of Education, tiwalang makahahanap ng trabaho ang mga magsisipagtapos ngayong taon sa K-12.</p><p>Ayon kay Jesus Lorenzo Mateo, undersecretary for planning and field operations ng Department of Education (DepEd), binuo ang tracks o ang mga specialization sa K-12 para mismo masanay ang mga estudyante sa mga kakayahang pinakahinahanap sa trabaho.</p><p>&quot;Noong ginawa natin ang programs, especially pagdating sa technical, vocational, and livelihood skills, inatada natin &#x27;yon doon sa... pinag-aralan natin &#x27;yong jobs mismatch study ng DOLE [Department of Labor and Employment],&quot; ani Mateo.</p><p>Hindi rin lang aniya DepEd ang bumuo ng tracks para sa K-12; nakibahagi rin sa pagbuo nito ang mga kinatawan ng Commission on Higher Education, Technical Education and Skills Development Authority, DOLE, akademya, at maging chambers of commerce.</p><p>Nauna nang nagpahayag ng pangamba ang Philippine Chamber of Commerce and Industry na maaaring hilaw pa sa karanasang makatutulong sa pagtatrabaho ang ilang magtatapos sa K-12 program dahil kulang pa ang 80 oras o dalawang linggo lang na minimum requirement para sa on-the-job training ng unang batch ng K-12 students na magtatapos.</p><ul class="op-related-articles">	<li><a href="http://news.abs-cbn.com/news/01/16/18/pcci-mga-magtatapos-ng-k-12-maaaring-hindi-pa-handang-magtrabaho">PCCI: Mga magtatapos ng K-12, maaaring hindi pa handang magtrabaho</a></li></ul><p>Pero muling tiniyak ni Mateo na handa nang magkaroon ng karera ang mga magsisipagtapos sa K-12. May kakayahan din daw silang magsimula ng sarili nilang negosyo.</p><p>&quot;Sa lahat no&#x27;ng mga track natin, naka-embed doon &#x27;yong tinatawag na entrepreneurship... kasi rather than be an employee, you might as well be an employer di ba? So you need to have some skills set pagdating doon.&quot;</p>

<p>Hindi pa nakikita ng isang online jobs portal kung mayroon nang mga trabahong partikular na bubuksan o magiging rekisito ang pagtatapos sa senior high school.</p>

Hindi pa nakikita ng isang online jobs portal kung mayroon nang mga trabahong partikular na bubuksan o magiging rekisito ang pagtatapos sa senior high school.