Push Admin

12 bata sa Taytay na-ospital dahil umano sa expired na juice mula sa LGU

Article (news)

ABS-CBN News

MAYNILA (UPDATED) — Iniimbestigahan ngayon ng lokal na pamahalaan ng Taytay, Rizal ang pagpapamigay nito ng umano&#x27;y expired na juice, na itinuturing sanhi ng posibleng food poisoning ng hindi bababa sa 12 bata sa bayan.Lumalabas na ipinamigay ang mga juice halos isang taon na ang nakalilipas mula sa expiration date ng mga ito, base sa packaging. &quot;Nagpapaimbestiga rin kami. Pero ang masasabi lang namin, we are only dealing with reputable supplier na accredited with FDA (Food and Drug Administration) at saka may mga permit po mula sa ating national government,&quot; ani Taytay Mayor Joric Gacula.&quot;Sakali mang mayroon silang mga pagkakasalang ganyan, the municipal government will prosecute them. We will file charges against these suppliers,&quot; dagdag ng alkalde.Humingi naman ng paumanhin ang kompanya na gumagawa ng juice.Magsasagawa rin umano ng sariling imbestigasyon ang kompanya at sasagutin ang lahat ng gastos sa pagpapa-ospital sa mga bata.Ipinamigay ang juice noong Huwebes at nagsimula ang pagsugod sa mga bata sa ospital madaling araw ng Biyernes.Ayon kay Jennalyn Libres, tuwang tuwa pa ang anak niya habang iniinom ang juice. Pero matapos ang ilang minuto ay nanghina at nagsuka na ito.Pare-pareho umano ang naramdaman ng mga bata.&quot;Abdominal pain, vomiting, tapos LBM (loose bowel movement). Pare-parehas sila nang kaunti,&quot; sabi ni Mark Jayson Pulumbarit, isa sa mga miyembro ng rumespondeng rescue team.&quot;Ang tinitingnan dito ay possible food poisoning,&quot; dagdag niya.Tiniyak ng lokal na pamahalaan na patuloy nitong imo-monitor ang lagay ng mga bata.<div>LGU MAY PAGLILINAW</div>Isang araw matapos lumabas ang ulat, nag-isyu ng ilang paglilinaw ang Taytay LGU. Ani Mark Valdez, hepe ng Taytay PIO, sa libo-libong ipinamahagi nilang juice ay iilan lang naman daw ang nabigyan ng expired na produkto. Inako na rin daw ng kompanya ang responsibilidad sa mga apektadong bata. &quot;Out of the thousands of juices we distributed, only a handful were allegedly expired. The municipality immediately called the attention of PTC Corp. regarding the stock they had recently dispatched to us,&quot; ani Valdez sa isang liham na pinadala sa ABS-CBN News. Wala rin daw patunay na ang pag-inom ng expired na juice ay nagdudulot ng food poisoning. &quot;There is however no proof or factual basis that the juices caused food poisoning—nor if an expired juice can actually lead to food poisoning.&quot;Aniya, ang nag-iisang batang naospital ay natuklasang may urinary tract infection, at walang bakas ng food poisoning. Sa ngayon, patuloy daw ang imbestigasyon nila at pakikipag-ugnayan sa manufacturer ng juice. <div>—Ulat ni Jeffrey Hernaez, ABS-CBN News</div>

Iniimbestigahan ngayon ng lokal na pamahalaan ng Taytay, Rizal ang pagpapamigay nito ng umano'y expired na juice, na itinuturing sanhi ng posibleng food poisoning ng hindi bababa sa 12 bata sa bayan.

Iniimbestigahan ngayon ng lokal na pamahalaan ng Taytay, Rizal ang pagpapamigay nito ng umano'y expired na juice, na itinuturing sanhi ng posibleng food poisoning ng hindi bababa sa 12 bata sa bayan.