Push Admin

4 bahay sa Davao de Oro, nasira dahil sa umano'y sinkhole

Article (news)

ABS-CBN News

<p>Dalawang bahay ang lubhang napinsala habang dalawang iba pa ang partially damaged sa Barangay Tuboran sa bayan ng Mawab, Davao de Oro, Lunes ng umaga.</p><p>Ayon sa Provincial Disaster Risk Reduction and Management Office, bumaba ang lupa sa ilang parte ng mga bahay kaya nasira ito.</p><p>Batay sa inisyal na assessment ng PDRRMO, sinkhole bunsod ng ilang araw na pag-uulan ang maaring sanhi ng pagbaba ng lupa.</p><p>Pero ayon kay PDRRM officer Joseph Randy Loy, hinihintay pa nila ang assessment mula sa Mines and Geosciences Bureau kaugnay sa sanhi ng pangyayari.</p><p>Nagsagawa na ng ocular inspection at hazard assessment sa lugar ang PDRRMO, DENR-MGB XI, at iba pang ahensya ng gobyerno.</p><p>Isa sa mga inisyal na obserbasyon nila ay aabot sa siyam na talampakan ang pinakamalalim na pagbaba ng lupa sa lugar.</p><p>Sa ngayon, pansamantalang tumira ang mga apektadong pamilya sa kani-kanilang mga kamag-anak.</p><p>Samantala, ayon kay Loy, bumuti na ang panahon sa Davao de Oro matapos ang ilang araw na pag-ulan.</p><p>Lumikas ang nasa 103 na pamilya matapos binaha ang ilang lugar sa New Bataan at Nabunturan.</p><p>Nadaanan na rin ang mga kalsadang apektado ng landslide kahapon sa mga bayan ng Montevista, Laak, Monkayo, at Nabunturan.</p><div><strong>- ulat ni Hernel Tocmo</strong></div><div><strong>MULA SA ARKIBO</strong></div><figure class="op-interactive"><iframe height="315" src="https://www.youtube.com/embed/BAMr1dFy_z8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Dalawang bahay ang lubhang napinsala habang dalawang iba pa ang partially damaged sa bayan ng Mawab, Davao de Oro matapos bumaba ang lupa kung saan nakatayo ang mga ito. 