Push Admin

Ilang Aeta sa Pampanga, pinangangambahan ang pagtataas sa Alert Level 1 ng Mt. Pinatubo

Article (news)

ABS-CBN News

<p>MAYNILA - Nabulabog ang tahimik na pamumuhay ng mga katutubong Aeta sa munisipalidad ng Floridablanca, Pampanga nitong mga nagdaang araw dahil sa pagyanig umano ng lupa sa kabundukan.</p><p>Kinumpirma nitong Miyerkoles ni Pampanga Gov. Dennis Pineda ang balita na itinaas na ng Philippine Institute of Volcanology and Seismology (Phivolcs) sa <a href="https://www.phivolcs.dost.gov.ph/index.php/volcano-advisory-menu/11207-pinatubo-volcano-advisory-27-january-2021-9-00-am">Alert Level 1 </a>ang Mt. Pinatubo,<br/>base sa bulletin na inilabas ng ahensya.</p><ul class="op-related-articles">	<li><a href="https://news.abs-cbn.com/news/03/04/21/alert-level-1-raised-over-pinatubo">Alert level 1 raised over Pinatubo</a></li></ul><p>Paglilinaw naman ng gobernador sa kanyang Facebook post, walang pagputok ng bulkan na inaasahan.</p><p>Mula Enero 20, 2021, umabot sa 1,722 ang mga naitalang pagyanig sa ilalim ng bulkan, sabi ng Phivolcs. Unang naitala ang mga pagyanig sa fault na tinatawag na Sacobia Lineament. May lalim ang pagyanig na 15 hanggang 28 kilometers. </p><p>Ayon sa ahensya, huling naging aktibo ang fault noong 1991. Dagdag nito, nanatiling Alert Level 0 ang bulkan simula noong Enero 1996. </p><p>Ikinababahala ni Ruben Casupanan, isa sa mga katutubong Aeta, ang pagtaas sa alert level ng bulkan lalo na’t umaahon pa lang daw sila sa malakas na lindol doon noong 2019. </p><ul class="op-related-articles">	<li><a href="https://news.abs-cbn.com/news/multimedia/slideshow/04/23/19/the-extent-of-damage-after-quake-hits-pampanga">The extent of damage after quake hits Pampanga</a></li></ul><p>&quot;Siyempre, nakita mo na noong unang pumutok na yan eh, kung ganun ulit ang puputok siya, eh parang ganun din… Maraming mababahang tao,” sabi ni Casupanan. </p><p>Nangangamba din si Anita Casupanan, ang kapitan ng Brgy Nabuclod sa Floridablanca dahil nararamdaman pa rin daw nila ang pagyanig. </p><p>“Kahapon po, gumalaw ng alas-3... ng konti. Pero nagpe-pray po kami sa Panginoon. Panginoon lang po ang may alam kung, kailan po iyon, basta magtiwala lang po tayo sa Kaniya,” aniya. </p><p>Kung may mga nangangamba, may mga matatandang katutubong Aeta naman na naniniwalang hindi na aabot pa sa kanila ang pinsala sakali mang pumutok nga ang bundok.</p><p>Ayon kay Mang Arrobias, isa sa mga matatandang Aeta sa lugar, tiningnan daw nila nang mabuti ang tabu nito. </p><p>Kuwento niya, hindi raw sila natatakot sa posibleng mangyari sa bulkan, dahil sa pagpunta umano nila roon 2 linggo na ang nakakaraan, wala itong laman sa loob.</p><p>Sa text message naman na ipinadala ni Capas Mayor Reynaldo Catacutan ng probinsya ng Tarlac, sinabi nito na wala pang kailangan i-evacuate sa lugar niya.<br/> <br/>Wala na raw kasing mga tao malapit sa crater at nasa mahigit 5 kilometro na ang layo nila.</p><p>Paalala ng Phivolcs, maghanda pa rin ang lokal na gobyerno at ang mga nakatira sa paligid ng Pinatubo sa mga paglindol at iba pang posibleng volcanic hazards.</p><div><strong>- Ulat ni Gracie Rutao</strong></div><div><strong>RELATED VIDEO</strong></div><figure class="op-interactive"><iframe height="315" src="https://www.youtube.com/embed/orgrKdwYZC0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Nabulabog ang tahimik na pamumuhay ng mga katutubong Aeta sa munisipalidad ng Floridablanca, Pampanga nitong mga nagdaang araw dahil sa pagyanig umano ng lupa sa kabundukan.<br /> </p>

Nabulabog ang tahimik na pamumuhay ng mga katutubong Aeta sa munisipalidad ng Floridablanca, Pampanga nitong mga nagdaang araw dahil sa pagyanig umano ng lupa sa kabundukan.