Push Admin

Negosyo ng ilang malapit sa PNP chopper crash site umaaray rin

Article (news)

ABS-CBN News

<figure class="op-interactive"><iframe src="https://www.youtube.com/embed/F1-S-3z3NHs?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Apektado rin sa pagbagsak ng helicopter ng Philippine National Police ang ilang residenteng naghahanapbuhay malapit sa crash site.</p><p>Hanggang ngayon kasi, naroon pa ang helicopter, na sakay noon si PNP chief Archie Gamboa at 7 iba pang taga-PNP kaya isinara ang mga apektadong kalsada.</p><p>Hindi pa makapasada ang driver na si Noel Camirino dahil naka-kordon pa ang kalsada.</p><p>&quot;Walang madaanan eh. Ayaw pang tanggalin yan eh. Gusto namin matanggal na yan eh. Aba malaking perwisyo na. Dalawang araw na eh,&quot; ani Camirino.</p><p>Sarado rin sa motorista ang kalsada. Apektado rin ang negosyong sari-sari store ni Elsa Limbag.</p><p>&quot;Sobrang hina, parang matumal na talaga masyado,&quot; aniya.</p><p>Pero hindi pa rin maalis ang takot na naramdaman nila nang bumagsak ang helicopter.</p><p>&quot;Nagkaphobia na kami. Pag magkikita kami ng mga lumilipad na helicopter dito, natatakot na kami,&quot; ani Limbag.</p><figure class="op-interactive"><iframe src="https://www.youtube.com/embed/PSN8GAGi428?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Umaga ng Huwebes nang bumagsak ang sinasakyang helicopter ni Gamboa matapos nitong sumabit sa kable at bumagsak sa isang residential area. Galing sa inspeksyon ng mga impounded na sasakyan ang mga opisyal nang mangyari ang aksidente.</p><p>Zero visibility din sa lugar, ayon sa mga awtoridad, dala ng buhangin na pumalibot sa helicopter.</p><p>Agad na dinala sa mga ospital sina Gamboa, ang PNP spokesperson Brig. Gen. Bernard Banac; PNP comptrollership head Major Gen. Jovic Ramos, PNP intelligence head Mariel Magaway, PNP chief aide-de-camp Capt. Kevin Gayramara, ang mga piloto na sina Lt. Col. Ruel Zalatar at Lt. Col. Rico Macawili, at crew na si Master Sgt. Louie Estona.</p><p>Mabuti na ang kalagayan ni Gamboa, na papasok na umano sa Lunes at nakalabas na ng ospital si Gayramara. Kritikal naman ang kalagayan nina Ramos at Magaway.</p><p>Tumanggi muna si Gamboa na humarap sa kamera para ikuwento ang nangyari. Ang mas mahalaga aniya ngayon ay ipagdasal at alalahanin ang mga kasamahan niya sa chopper.</p><p>&quot;Sa ating mga kababayan at lalo na sa ating mga kapulisan, ako eh lumabas ngayon dito para ipakita ko sa inyo na okay ako, na hindi naman ako nasaktan, as a matter of fact, I&#x27;m going back to the office on Monday. Tulungan niyo na lang kami na ipagdasal ang mga nasa opsital pa,&quot; ani Gamboa.</p><figure class="op-interactive"><iframe src="https://www.youtube.com/embed/0iVLOxmwn-0?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MASUSING IMBESTIGASYON</strong></div><p>Inaasahang sa linggo o sa mga susunod na araw maaalis na sa lugar ang helicopter, ayon kay PNP operations chief Lt. Gen Guillermo Eleazar.</p><p>Ayon sa PNP, kailangang maingat sila sa mga ebidensiya lalo&#x27;t masusing iniimbestigahan ang puno&#x27;t dulo ng chopper crash.</p><p>Hindi rin paliliparin ang anim pang chopper ng PNP habang gumugulong ang imbestigasyon para masiguro ang kaligtasan.</p><p>Nakikipag-ugnayan na rin sila aniya sa mga eksperto para sa masusing imbestigasyon.</p><p>&quot;We have requested the assistance of Civil Aviation Authority of the Philippines kasi sila yung expert on this field, pati na rin &#x27;yong Air Force Safety Office. Of course, we have the AVSEGroup natin, kasama yung CIDG, sila yung magli-lead ng ating investigators team,&quot; ani Eleazar.</p><p>Plano ng pulisya na i-reconstruct ang nasirang helicopter para dalhin pabalik sa hangar ng PNP upang mapag-aralan.</p><div><strong>-- Ulat nina April Magpantay, Jerome Lantin, at Jeff Canoy, ABS-CBN News</strong></div>

<p>Apektado rin sa pagbagsak ng helicopter ng Philippine National Police ang ilang residenteng naghahanapbuhay malapit sa crash site. <br /> </p>

Apektado rin sa pagbagsak ng helicopter ng Philippine National Police ang ilang residenteng naghahanapbuhay malapit sa crash site.