Push Admin

Kaanak ng mga mangingisdang nasawi sa 'Vinta,' masama ang loob

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1438014" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Katarungan ang hiling ng mga kaanak ng mga mangingisdang namatay sa kasagsagan ng bagyong &quot;Vinta&quot; noong nakaraang taon dahil sa umano&#x27;y mapang-aping pagtrato sa kanila ng kompanyang pinagtrabahuhan ng mga nasawi.</p><p>Higit 40 mangingisda ang namatay noong Disyembre sa may Mangsee Island, Palawan nang tumaob ang may apat na bangkang pagmamay-ari ng kompanyang Philmariner Aqua Ventures.</p><p>Pero ayon sa kaanak ng ilang mangingisda, mula nang mangyari ang trahedya ay isang beses pa lang silang hinarap ng may-ari ng Aqua Ventures para alukin ng pera kapalit umano ng kasunduang hindi na sila maghahabol pa sa kompanya.</p><p>Nasa P15,000 ang ibinibigay ng kompanya sa mga nakaligtas sa insidente habang P30,000 naman sa kaanak ng mga nawawala o kumpirmadong patay.</p><p>Ikinasama rin ng loob ng ilang naulila nang mabatid na inilibing agad sa isang mass grave sa Mangsee Island ang ibang bangkay kahit hindi pa nila nakikita.</p><p>Sa pakikipag-ugnayan ng ABS-CBN News kay Felipe Del Rosario, may-ari ng Aqua Ventures, sinabi nitong nasa Department of Labor and Employment (DOLE) na ang isyu at sasagot na lang sila sa tamang lugar.</p><p>Sa panayam kay Del Rosario noong Enero, sinabi nito na hindi naman nila papabayaan ang pamilya ng mga mangingisda.</p><p>Dating alkalde si Del Rosario ng Navotas, kung saan nakabase ang Aqua Ventures. Konsehal naman sa lungsod ang kaniyang anak na si Marielle.</p><p>Kinuwestiyon din kung bakit hindi nakipag-ugnayan ang kompanya sa Philippine Coast Goard (PCG) noong kasagsagan ng bagyo.</p><p>Ayon kay PCG spokesman Commander Armand Balilo, nalaman na lang nila ang insidente nang magtungo sa kanila ang mga pamilya ng mga mangingisda.</p><p>Pinabulaanan naman ni Del Rosario ang pahayag ni Balilo at sinabing nakipag-ugnayan daw sila sa Navotas Coast Guard.</p><p>Dagdag pa ng mga naiwang pamilya, bawal ang uri ng pangingisda na pinagagawa sa kanilang mga kaanak.</p><p>Sa permit ng Bureau of Fisheries, &quot;hook and line&quot; o pangangawil ang dapat paraan ng pangingisda ng apat na bangka.</p><p>Pero hindi raw ito totoo, ayon sa kaanak ng mga nasawi, dahil gumagamit daw sila ng malaking lambat, na ipinagbabawal sa batas.</p><p>Ayon sa kaanak ng mga mangingisda, ito ang dahilan kung bakit nais itago ng mga may-ari ng Aqua Ventures ang isyu.</p><p>Handa naman umanong makipag-usap ang kompanya sa mga naiwang pamilya pero dapat ay isa-isa lang at hindi magkakasama. <strong>-- Ulat ni Henry Omaga-Diaz, ABS-CBN News</strong></p>

<p>Katarungan ang hiling ng mga kaanak ng mga mangingisdang namatay sa kasagsagan ng bagyong "Vinta" noong nakaraang taon, at idinadaing ang naging pagtrato ng kompanyang pinagtrabahuhan ng mga nasawi. </p>

Katarungan ang hiling ng mga kaanak ng mga mangingisdang namatay sa kasagsagan ng bagyong "Vinta" noong nakaraang taon, at idinadaing ang naging pagtrato ng kompanyang pinagtrabahuhan ng mga nasawi.