Push Admin

Transport strike tuloy pa rin pero ilang tsuper balik-pasada na

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mga commuter na sinusubukang makasakay sa may Commonwealth Avenue, Quezon City noong Marso 6, 2023, ang unang araw ng isang linggong tigil-pasada ng ilang transport group. Mark Demayo, ABS-CBN News/File" src="https://sa.kapamilya.com/absnews/abscbnnews/media/2023/tvpatrol/03/07/20230306-jeepney-strike-commuters-md-6.jpg"/><figcaption>Mga commuter na sinusubukang makasakay sa may Commonwealth Avenue, Quezon City noong Marso 6, 2023, ang unang araw ng isang linggong tigil-pasada ng ilang transport group. Mark Demayo, ABS-CBN News/File</figcaption></figure></div>MAYNILA (UPDATE) — Ilang jeepney driver ang bumalik na sa pamamasada ngayong Martes, ang ikalawang araw ng isang linggong transport strike na ikinasa ng ilang grupo.Kasama rito si Christopher Bernal, na bumalik na sa pagbiyahe sa may Monumento, Caloocan City matapos hindi pumasada noong maghapon ng Lunes.&quot;Hindi namin alam saan kami. Tigil ba o biyahe? Kung biyahe kami, inaapakan namin &#x27;yong ina-ano namin, ipinaglalaban na tigil-pasada. Kaya sundot sa gabi kung puwede. Nakiusap kami sa presidente namin,&quot; ani Bernal.Mahirap man sa kalooban ni Bernal na hindi ituloy ang tigil-pasada, kailangan niyang gawin ito dahil kailangan niyang pakainin ang kaniyang pamilya.Dahil sa tuloy-tuloy na pagsirit ng presyo ng diesel, kahit P1 ay walang naipon ang kaniyang pamilya nitong nakaraang taon. Hindi pa rin kasi sila umano nakakabangon mula sa mga inutang noong kasagsagan ng COVID-19 pandemic.&quot;&#x27;Di pa nakakabangon simula [noong] pandemic. Sila una naapektuhan ng pandemic tapos ngayon phase out [ng] jeep,&quot; sabi ni Gina Robles, asawa ng isang tsuper ng jeep.&quot;Sana maunawaan ng gobyerno hinaing nila (mga tsuper) kung gaano kahirap,&quot; dagdag ni Robles.<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2492450" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>Sa Quezon City, kahit mahigpit ding tinututulan ng ilang tsuper ang ilang aspeto ng Public Utility Vehicle (PUV) Modernization Program, pinili nilang hindi na sumama sa tigil-pasada ngayong Martes.&quot;Ang hirap ng buhay ngayon,&quot; anang jeepney driver na si Ric.Problemado naman ang ilang tsuper sa may Katipunan Avenue dahil wala gaanong pasahero, lalo&#x27;t nagbalik online classes muna ang ilang paaralan at may ilang opisina rin na nagpa-work-from-home ng mga empleyado bunsod ng tigil-pasada.<ul class="op-related-articles">	<li><a href="https://news.abs-cbn.com/news/03/03/23/deped-says-no-class-suspension-for-transport-strike">DepEd says no class suspension in week-long transport strike</a></li></ul>&quot;Kahit hindi kami sumama sa welga, nakatigil kami. Wala nang pasahero,&quot; sabi ng tsuper na si Reynaldo Gonzales.Desidido naman ang ilang transport group na ituloy ang tigil-pasada hanggang sa mga susunod na araw.<ul class="op-related-articles">	<li><a href="https://news.abs-cbn.com/video/news/03/06/23/commuters-hirap-makasakay-sa-unang-araw-ng-tigil-pasada">Maraming commuter hirap makasakay sa unang araw ng tigil-pasada</a></li></ul>Sa panayam ng Teleradyo, iginiit ni Manibela President Mar Valbuena na hangga&#x27;t hindi napagbibigyan ang kanilang hiling na alisin ang ilang probisyon ng PUV Modernization Program ay hindi rin sila titigil sa pagsasagawa ng transport strike.Handa pa rin umano ang mga transport group na makipag-usap sa Department of Transportation at Land Transportation Franchising and Regulatory Board.Nanawagan din si Valbuena na tiyaking locally manufactured na modern jeep ang isusulong sa PUV Modernization Program.&quot;Ang hinihiling nga natin ay sinserong pakikipag-usap sa kanila, hindi &#x27;yong parang inabutan lang tayo ng candy tapos titigil na tayo, and then afterwards ipipilit pa rin &#x27;yong mga provision,&quot; ani Valbuena.<ul class="op-related-articles">	<li><a href="https://news-aws.abs-cbn.com/business/03/07/23/dotr-backs-locally-made-modern-jeepneys">DOTr backs locally-made modern jeepneys</a></li>	<li><a href="https://news.abs-cbn.com/video/business/03/06/23/manufacturers-on-wait-and-see-as-issues-hound-jeepney-modernization">Manufacturers on wait-and-see as issues hound jeepney modernization</a></li></ul>Samantala, naging matumal ang bentahan ng mga gulay sa ilang palengke sa Metro Manila simula Lunes, na ayon sa mga nagtitinda&#x27;y dahil sa tigil-pasada.Sa Muñoz Market sa Quezon City, halimbawa, kakarampot pa lang ang kita ng tindera na si Delma Secillano kahit tanghali na.&quot;Wala ngang tao... kasi strike diba? Strike ng jeep, walang masakyan ang mga mamimili,&quot; ani Secillano.Ganoon din ang karanansan ng mga nagtitinda sa Kamuning Market, tulad ni Ron Allan Manuel.&quot;Sobrang tumal po...Iyon talaga naapektuhan talaga. Iyong ibang suki namin nagji-jeep lang kasi kaya...di makapamili,&quot; ani Manuel.Gayunman, may ibang namimili na dumidiskarte na lang — gaya ng pagsakay sa tricycle — para makapunta pa rin palengke, na anila mas mura pa rin ang presyo kaysa sa supermarket.<div>— May ulat nina Anna Cerezo at Joyce Balancio, ABS-CBN News</div>

Ilang jeepney driver ang bumalik na sa pamamasada ngayong Martes, ang ikalawang araw ng isang linggong transport strike na ikinasa ng ilang grupo.