Push Admin

Mga patakaran ng ABS-CBN franchise hearings inilatag na ng House panel

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/brqtJuGjLNU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>MAYNILA - Inilatag na ng House Committee on Legislative Franchises ang mga patakaran sa pagdinig sa renewal ng prangkisa ng ABS-CBN sa isang pagpulong - na nauwi pa sa tensiyon sa simula. Batay sa mga binalangkas na patakaran ng komite sa pagpulong, bawal ang ma-late sa pagdinig. Sakaling ma-late, dapat alamin kung tinalakay na ang isang tanong. Dapat ding igalang ang isa&#x27;t isa at makinig; dapat ding diretsahan ang pagsasalita at iwasan ang paglagpas sa tamang oras. Tatlong minuto ang nakalaan sa kada kongresistang nais magsalita sa pagdinig. Unang pagsasalitain ang sino mang tutol sa panukalang nagre-renew sa franchise. Susundan ito ng mga sang-ayon; huli namang magsasalita ang mga wala pang pinapanigan sa franchise. Dapat din munang magrehistro sa committee secretariat ang mga nais magsalita para maging organisado ang pagtawag sa mga nais magsalita sa pagdinig. At kapag may panauhin o kongresistang magmumura, o magbibigkas ng salitang masasama, puputulin ang oras na nakalaan para sa kaniya at hindi na bibigyan ng panahon para magsalita sa pagdinig. Pili lang din ang bilang ng mga mamamahayag na papapasukin sa pagdinig dahil sa kakulangan sa espasyo at bawal ang walk-in guests. <div>TENSIYON </div>Nauna pang nauwi sa tensiyon ang pagdinig nang magbalitaktakan sina committee chairman Franz Alvarez at Cagayan De Oro Rep. Rufus Rodriguez. Nais kasi ni Alvarez na magkaroon pa ng mga patakaran sa pangambang mauwi sa tensiyon ang mga pagdinig sa prangkisa. &quot;We are setting ground rules today to guide our members in the future hearings for the renewal of ABS-CBN&#x27;s franchise. We may expect some members to become emotional on the matter at hand and setting up ground rules will ensure orderly proceedings in our hearings,&quot; ani Alvarez. Pero para kay Rodriguez, dapat munang magpaliwanag ang mga 11 may-akda ng mga panukalang layong i-renew ang prangkisa ng network. &quot;Point of order is there has to be sponsorship speech, unless authors given chance to sponsor, nothing pending. Referral not enough it will be sponsorship speech. I move we hear the authors,&quot; ani Rodriguez. Sa huli, pinagbotohan na ilatag muna ang ground rules ng pagdinig. Hanggang Abril 15 maaaring magsumite ng position papers para sa pagdinig. Pero ngayon pa lang, aabot sa 7 organisasyon, 1 regulatory agency, 1 local government unit, at 2 indibidwal na ang nagsumite ng papeles kontra o pabor sa franchise renewal ng network. Pinagsalita rin ang National Telecommunications Commission kaugnay ng provisional authority to operate ng ABS-CBN sakaling mapaso na ang prangkisa nito sa Mayo habang dinidinig na ang mga panukala sa franchise renewal. Sa presscon matapos ang pagdinig, idiniin ni House Speaker Alan Peter Cayetano na wala pang dahilan para isara ang ABS-CBN sa ngayon. &quot;Innocent &#x27;til proven guilty. Wala pang violation ang ABS-CBN sa kanilang franchise. No reason in this world why NTC or any agency of government should shut them down while their franchise is pending before the committee,&quot; ani Cayetano. Iginiit din ni Cayetano na walang kondisyon ang Kamara sa ABS-CBN para manatili ito sa ere. &quot;We are guided by President Duterte’s exaltation to media sa KBP. Basta may anomalya i-report. Basta may abuso i-report. That goes for all media, social media. Follow the provisions of the franchise,&quot; ani Cayetano. Pinabulaanan din ni Cayetano na aabot ng Mayo 2022 ang deliberasyon ng prangkisa. Pero muling ibinulalas ni Cayetano ang ilang isyu sa ABS-CBN lalo na sa mga nakaraang halalan. Muling iginiit ng speaker na inuna talaga ng Kamara ang pagdinig sa budget, pagtugon sa Taal eruption at ilan pang isyu. Pinabulaanan niya ang pag-antala sa pagdinig sa prangkisa. Handa ring mag-special session ang Kamara sa bakasyon kung kailangan para tugunan ang ibang problema gaya ng COVID-19. -- Ulat ni RG Cruz, ABS-CBN News

Inilatag na ng House Committee on Legislative Franchises ang mga patakaran sa pagdinig sa renewal ng prangkisa ng ABS-CBN sa isang pagpulong - na nauwi pa sa tensiyon sa simula.

Inilatag na ng House Committee on Legislative Franchises ang mga patakaran sa pagdinig sa renewal ng prangkisa ng ABS-CBN sa isang pagpulong - na nauwi pa sa tensiyon sa simula.