Push Admin

'Pareho ang sintomas': COVID-19 mahirap matukoy mula sa trangkaso

Article (news)

ABS-CBN News

<figure class="op-interactive"><iframe src="https://www.youtube.com/embed/nOMlL_BLl1g?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><strong>(UPDATE) </strong>Karamihan ng mga pasyenteng nagpositibo sa coronavirus disease 2019 (COVID-19) sa bansa ay nakaramdam ng ubo, sipon, lagnat, at masakit na lalamunan – kapareho ng mga sintomas na nararanasan kapag may trangkaso.</p><p>Pero dahil may ilang kaso na ng local transmission ng COVID-19 sa Pilipinas, paano malalaman kung ang nararamdamang sintomas ay ordinaryong trangkaso o COVID-19?</p><p>Hindi madaling matukoy kung COVID-19 o trangkaso ang sakit ng isang tao maliban kung magpapasuri na sa ospital, ayon kay Health Assistant Secretary Maria Rosario Vergeire.</p><p>&quot;Itong coronavirus have similar signs and symptoms with other flu viruses that we have right now,&quot; ani Vergeire.</p><p>&quot;Halimbawa, nakakaranas ang isang tao ng pananakit ng kasukasuan, masakit ang ulo, nilalagnat, inuubo, sinisipon, maaaring mayroon siyang kapareho na iba pang flu or viruses na nag-exhibit ng ganitong sintomas,&quot; paliwanag niya.</p><p>Pero hindi raw nangangahulugang porke may sintomas ay dinapuan na ng novel coronavirus. </p><p>Sinabi rin ni Vergeire na hindi lahat ng magkakaroon ng ubo, sipon, lagnat o sore throat ay kailangang magtungo sa Research Institute for Tropical Medicine (RITM), kung saan maaaring magpa-test para sa novel coronavirus.</p><p>Puwede umanong isaalang-alang ang travel history o kung may nakasalamuha na taong nagpositibo sa sakit.</p><p>&quot;&#x27;Yong mga taong nakakaramdam na parang tinatrangkaso sila or sintomas related to COVID-19 pero walang travel history sa ibang bansa na walang localized transmission o di kaya walang known exposure to positive cases, hindi kailangang mabahala. Mababa ang risk niyo,&quot; sabi ni Vergeire.</p><div><strong>BAGONG TEST KITS </strong></div><p>Hirap man na matukoy kung trangkaso o COVID-19, makatutulong naman ang mga bagong coronavirus testing kit na ginawa ng University of the Philippines-National Institutes of Health para malaman kung ang isang tao ay positibo sa COVID-19.</p><p>Maaaring sa susunod na linggo ay magamit na ang mga testing kit, na <a href="https://news.abs-cbn.com/news/03/10/20/up-coronavirus-test-kits-filipino-scientists-fda-approval">binigyan ng Certificate of Exemption</a> ng Food and Drug Administration.</p><p>&quot;Sinuri natin &#x27;yong data sa test nila and nakita natin na very accurate,&quot; ani FDA Director-General Eric Domingo.</p><p>Mas mabilis at mas mura umano ang kit na ginawa ng mga taga-UP. Puwedeng lumabas ang resulta ng test sa loob nang isa’t kalahati hanggang 2 oras, ayon kay Domingo.</p><p>Pero may kaakibat na ibang proseso ang test, ayon kay Domingo.</p><p>&quot;Mayroon ginagawang gene sequencing dito sa Philippine Genome Center so mayroong confirmation ng test results,&quot; ani Domingo. </p><figure class="op-interactive"><iframe height="315" src="https://www.youtube.com/embed/TsTRQZmtdX0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MGA BAGONG KASO</strong></div><p>Ngayong Martes, iniulat ng Department of Health (DOH) na may 9 na bagong nagpositibo sa sakit, na nangangahulugang umabot na sa 33 ang kabuuang bilang ng COVID-19 cases sa bansa.</p><p>Bago noong Marso, 3 kaso ng novel coronavirus lang ang naiulat sa bansa, na nakita sa mga turista galing sa lungsod ng Wuhan, China, kung saan sinasabing nagmula ang virus. Ang isa sa 3 pasyente ay pumanaw habang ang 2 ay gumaling at nakabalik na sa China.</p><p>Pinabulaanan naman ng DOH ang mga ulat na may pumanaw sa mga kasalukuyang nagpositibo sa sakit pero binabantayang maigi ang mga pasyenteng kinilala bilang &quot;PH5&quot; at &quot;PH9&quot; dahil sa kanilang karamdaman.</p><p>Si &quot;PH5&quot; ang 62 anyos na lalaking madalas sa isang prayer hall sa Greenhills sa San Juan City habang si &quot;PH9&quot; naman ay isang 86 anyos na Amerikano.</p><p>May higit 80 Pilipino naman sa ibang bansa ang nagpositibo sa sakit. Karamihan sa kanila ay nasa barkong Diamond Princess, na nakadaong sa Japan, at gumaling na.</p><p>Para makaiwas sa virus, ipinayo ng mga health official ang proper hygiene o pagpapanatili ng kalinisan sa katawan.</p><p>Sa buong mundo, umabot na sa higit 110,000 ang kaso ng COVID-19 sa higit 100 bansa at teritoryo habang halos 4,000 naman ang namatay. <strong>-- Ulat nina Raphael Bosano, Kristine Sabillo, at Chiara Zambrano, ABS-CBN News</strong></p>

<p>Karamihan ng mga pasyenteng nagpositibo sa coronavirus disease ay may mga sintomas ng trangkaso.</p>

Karamihan ng mga pasyenteng nagpositibo sa coronavirus disease ay may mga sintomas ng trangkaso.