Push Admin

Mga supermarket, terminal dinumog dahil sa napipintong 'community quarantine'

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/03/13/supermarket-terminal.jpg"/><figcaption>Dinumog ang mga supermarket at terminal sa Metro Manila, kasunod ng anunsiyo na magkakaroon ng community quarantine sa rehiyon simula Linggo, Marso 15.</figcaption></figure></div><p>MAYNILA (<strong>UPDATE</strong>) - Pila ang inabot ng mga supermarket at terminal sa Kamaynilaan magmula gabi nang Huwebes - ilang oras matapos ang anunsiyo ni Pangulong Rodrigo Duterte na magkakaroon ng community quarantine sa Metro Manila simula Marso 15. </p><blockquote class="twitter-tweet"><p dir="ltr" lang="tl">TINGNAN: Marami pa ring namimili sa isang supermarket sa Quezon City matapos ang anunsyo ng community quarantine sa Metro Manila. <a href="https://twitter.com/hashtag/COVID19?src=hash&amp;ref_src=twsrc%5Etfw">#COVID19</a> | via <a href="https://twitter.com/JervisManahan?ref_src=twsrc%5Etfw">@JervisManahan</a> <a href="https://t.co/DGjaXBIe0X">pic.twitter.com/DGjaXBIe0X</a></p>— ABS-CBN News (@ABSCBNNews) <a href="https://twitter.com/ABSCBNNews/status/1238133109041717250?ref_src=twsrc%5Etfw">March 12, 2020</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><p>Makikitang nagkaubusan ng gulay, delata, noodles, at ibang pagkain sa iba&#x27;t ibang supermarket sa Metro Manila. Sinimot din ang mga estanteng naglalaman ng mga disinfectant gaya ng alcohol at bleach. </p><blockquote class="twitter-tweet"><p dir="ltr" lang="tl">TINGNAN: Naubos na ang laman ang ilang estante sa isang supermarket sa Quezon City. Ayon sa mga mamimili, naubos na ang tinapay at alcohol. <a href="https://twitter.com/ABSCBNNews?ref_src=twsrc%5Etfw">@ABSCBNNews</a> <a href="https://twitter.com/DZMMTeleRadyo?ref_src=twsrc%5Etfw">@DZMMTeleRadyo</a> <a href="https://twitter.com/ukgdos?ref_src=twsrc%5Etfw">@ukgdos</a> <a href="https://t.co/4KNU54d1jD">pic.twitter.com/4KNU54d1jD</a></p>— Jervis Manahan (@JervisManahan) <a href="https://twitter.com/JervisManahan/status/1238138215174815745?ref_src=twsrc%5Etfw">March 12, 2020</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><figure class="op-interactive"><iframe height="315" src="https://www.youtube.com/embed/rYpi4zeSgn8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inaabot nang halos 1 oras ang pilahan bago makapagbayad ang mga kostumer sa isang supermarket sa Quezon City - na dinumog sa pangambang maubusan umano ang mga mamimili ng suplay.</p><p>May ilang bumiyahe pa gaya ni Jen Buenvenida na taga-San Mateo, Rizal para lang makapamili. </p><p>&quot;Hindi naman ako nagpa-panic. Iniisip ko na lang talaga, survival e. May dalawa kasi akong anak,&quot; paliwanag niya. </p><p>Napasugod din ang pamilya ni Andrea Balbiran sa supermarket nang marinig ang anunsiyo ng pangulo. </p><p>&quot;Namili lang ng mga pangangailangan kasi mahirap na,&quot; paliwanag ni Balbiran. </p><figure class="op-interactive"><iframe height="315" src="https://www.youtube.com/embed/lg9cYaolnvE?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong> EXODUS </strong></div><p>Kaakibat din ng community quarantine ang paghihigpit sa pagpasok at paglabas ng Metro Manila. Ibig sabihin, hindi muna papayagan ang lahat ng uri ng biyahe papasok at palabas ng Metro Manila simula Marso 15 hanggang Abril 14. </p><p>Dahilan ito para dumagsa ang mga pasahero sa iba&#x27;t ibang terminal sa pangambang maiipit sila sa community quarantine na itatalaga sa Metro Manila. </p><p>Magmula madaling araw nang Biyernes dumami ang mga pasahero sa GV Florida sa Sampaloc, Maynila, ayon sa mga guard na nakaistasyon sa terminal. </p><p>May iilang manggagawa gaya ni Jaio Ubias na nagplanong umuwi ng Cagayan mula Maynila kahit na magsisimula na siya sa kaniyang trabaho. </p><p>Wala pa kasi siyang ID - na kinakailangan sa pagpasok at paglabas sa Metro Manila - kaya minabuti niyang umuwi na lang muna sa probinsiya. </p><p>Kasama rin ang mga estudyanteng sina Sunshine at Shania Gosita na uuwi ng probinsiya - matapos palawigin hanggang Abril 12 ang suspensiyon ng klase sa Kamaynilaan. </p><p>Ang pasaherong si Boyet Camacho, nagpasyang unahan na lamang ang lockdown kaya piniling pumila sa bus sa Araneta Bus Terminal. </p><p>&quot;Sabi ko sige unahan natin para di tayo malockdown,&quot; ani Camacho. </p><p>Bukod sa mahahabang pila, hinaharap din ngayon ng mga bus operators sa Quezon City ang kakulangan ng supply ng face mask para sa kanilang mga bus driver at konduktor. </p><p>Inaasahan ng terminal management ng Araneta Bus Terminal na dadami pa ang bibiyahe para hindi maabutan ng community quarantine. </p><p>Nananatili ngayon ang pagpapatakbo ng mass transport, pero minamandato ngayon ng Transport department ang mga terminal na magsagawa ng mga paraan para labanan ang pagkalat ng virus. </p><p>Inaasahan ng terminal management na dadami pa ang bibiyahe para hindi maabutan ng community quarantine. </p><figure class="op-interactive"><iframe height="315" src="https://www.youtube.com/embed/l2KNHTgpwCc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>MGA MANGGAGAWA MAY PANGAMBA</strong></div><p>Nangangamba naman ang ilang manggagawa sa posibleng mangyari sa kanilang mga trabaho at sa pag-hoard ng mga supplies, kasabay ng pagpataw ng restriksyon sa kung sino ang maaari at bawal pumasok sa Kamaynilaan. </p><p>Dumadaing ang street sweeper na si Anna Villegas sa mga nagpa-panic buying. </p><p>&quot;Makasarili po sila, iniisip &#x27;yong sarili nila hindi nila iniisip &#x27;yong ibang tao,&quot; ani Villegas. </p><p>Ang utility worker sa isang government agency na si Sheryl Naval, nangangambang mawawalan ng kita kapag nagsimula na ang lockdown. </p><p>“Ang hirap nga po eh, kasi lalo kami no-work no-pay kami, tapos yung transportation parang hindi tayo sigurado kung patitigil o tuloy-tuloy po eh,&quot; ani Naval. </p><p>Una nang nanawagan ang Department of Trade and Industry na tigilan ang panic buying at pagho-hoard. </p><ul class="op-related-articles">	<li><a href=" https://news.abs-cbn.com/news/03/13/20/basahin-mga-kaakibat-na-patakaran-sa-pagpapatupad-ng-community-quarantine-sa-ncr] ">BASAHIN: Mga kaakibat na patakaran sa pagpapatupad ng community quarantine sa NCR</a></li></ul><div><strong>-- May ulat nina Jervis Manahan, Doris Bigornia, Raya Capulong, at Johnson Manabat, ABS-CBN News</strong></div>

<p>Kasunod ng anunsiyo na sisimulan ang community quarantine sa buong Metro Manila sa Linggo, Marso 15, dinumog ang mga supermarket at mga terminal sa rehiyon mula gabi nang Huwebes. </p>

Kasunod ng anunsiyo na sisimulan ang community quarantine sa buong Metro Manila sa Linggo, Marso 15, dinumog ang mga supermarket at mga terminal sa rehiyon mula gabi nang Huwebes.