Push Admin

Van na galing-NSPC nahulog sa kanal; guro patay, 13 iba pa sugatan

Article (news)

ABS-CBN News

Patay ang isang guro habang 13 iba pa ang sugatan matapos mahulog ang sinasakyan nilang van sa kanal sa may Star Tollway sa Ibaan, Batangas.Kabilang sa nasugatan ang drayber, 5 estudyante at 7 guro, na galing sa National Schools Press Conference sa Tuguegarao, Cagayan. Patay naman ang kasamahan nilang guro na si Joy Maming. Ayon sa imbestigasyon ng pulisya, pauwi na sana ng Occidental Mindoro ang mga sakay ng van nang mahulog ang sasakyan. Kasalukuyang nagpapagamot ang mga nasugatan sa isang ospital sa Batangas City. Ayon sa isang nakaligtas na si Adelardo Malalauan, nagdesisyon umano silang umuwi kaagad kahit hindi pa tapos ang programa dahil sa takot na maipit sa pagpapatupad ng community quarantine. &quot;We decided na umuwi na kahapon kasi nga dahil nga balita namin na nagla-lockdown na ang Manila at Batangas,&quot; ani Malalauan. Ayon sa drayber ng van na si Mark Herwhin Tugade, bago pa lamang niyang pinalitan ang karelyebong drayber pero hindi na nito kinaya ang pagod sa haba ng biyahe kaya siya nakatulog. &quot;Hindi na kinaya antok. Maaga lang kami baka mag-lockdown hindi kami makauwi ng Mindoro,&quot; ani Tugade. Nahaharap ngayon si Tugade sa kasong reckless imprudence resulting in homicide and multiple injuries. <div>-- Ulat ni Dennis Datu, ABS-CBN News</div>

Ayon sa isang guro na nakaligtas, nagdesisyon umano silang umuwi na kaagad kahit hindi pa tapos ang programa dahil sa takot na maipit sa pagpapatupad ng community quarantine.

Ayon sa isang guro na nakaligtas, nagdesisyon umano silang umuwi na kaagad kahit hindi pa tapos ang programa dahil sa takot na maipit sa pagpapatupad ng community quarantine.