Push Admin

Bawas-pasahero sa PUVs itinakda sa gitna ng Metro Manila quarantine

Article (news)

ABS-CBN News

<p>MAYNILA — Inilatag nitong Sabado ng Department of Transportation (DOTr) at mga sangay nito ang magiging patakaran kapag naipatupad na ang community quarantine sa Metro Manila simula Marso 15. </p><p>Ipatutupad ang community quarantine sa Metro Manila simula Marso 15, Linggo at magtatapos sa Abril 14, Martes, bilang hakbang upang hindi kumalat ang coronavirus disease 2019 (COVID-19) sa bansa. </p><div><strong>TAXI AT RIDE-HAILING SERVICES</strong></div><p>Ang mga taxi at Transportation Network Vehicle Service (TNVS) tulad ng Grab ay pahihintulutan lamang magsakay ng 4 na pasahero, kabilang na ang driver. Dapat din ay 1 seat apart o may isang pagitan sa bawat pasahero. </p><div><strong>UV EXPRESS</strong></div><p>Ang mga UV Express naman, hanggang 6 lang ang puwedeng isakay kasama na ang driver. Dapat din ay 1 seat apart. </p><div><strong>JEEPNEY</strong></div><p>Ang mga jeepney, kalahati lang ng karaniwang kapasidad ang dapat isakay at dapat din ay 1 seat apart. Wala rin dapat nakasabit. </p><div><strong> BUS</strong></div><p>Ang mga bus, hindi dapat lumagpas sa 25 ang sakay kasama ang driver at konduktor. Dapat din ay 1 seat apart at walang nakatayong pasahero. </p><p>Inabisuhan ang mga jeep, bus, at UV Express na maglalabas-masok sa Maynila na sabihan ang kanilang mga pasahero na ihanda ang mga ID o ibang patunay na sa Metro Manila nakatira o nagtatrabaho. </p><div><strong>MOTORCYCLE TAXI</strong></div><p>Ang pilot testing naman ng motorcycle taxis tulad ng Angkas ay suspendido.</p><div><strong>TREN</strong></div><p>Ang mga railways naman ay magbabawas din ng pasahero. Pananatilihin ang social distancing sa pila, sa loob ng istasyon, sa platform, at sa loob ng bagon.</p><p>Ang mga pasaherong may sintomas ng COVID-19 tulad ng lagnat ay hindi papapasukin. </p><p>Ang bagon para sa mga babae, buntis, at senior citizens ay hahatiin pa para bigyan ng espesyal na espasyo ang mga senior citizens. </p><p>Suspendido naman ang biyahe ng Philippine National Railways (PNR) mula Calamba, Laguna papuntang Alabang at vice versa. </p><p>Sabi ni Transportation Secretary Arthur Tugade, ang mga patakarang ito ay pansamantala lamang. </p><p>&quot;These protocols are temporary, the deeper we cooperate the faster we overcome,&quot; ani Tugade sa isang pahayag na binasa sa presscon. </p><p>Kasalukuyang nasa self-quarantine si Tugade matapos ang exposure sa isang COVID-19 patient sa isang infrastructure event noong Marso 5. </p><ul class="op-related-articles">	<li><a href="https://news.abs-cbn.com/news/03/12/20/duterte-cabinet-members-exposed-to-covid-19-patient-in-march-5-infra-event">Duterte, Cabinet members exposed to COVID-19 patient in March 5 infra event</a></li></ul>

<p>Inilatag nitong Sabado ng Department of Transportation (DOTr) at mga sangay nito ang magiging patakaran kapag naipatupad na community quarantine sa Metro Manila simula Marso 15. </p>

Inilatag nitong Sabado ng Department of Transportation (DOTr) at mga sangay nito ang magiging patakaran kapag naipatupad na community quarantine sa Metro Manila simula Marso 15.