Push Admin

Malacañang di nakikitang dapat nang maghigpit ng lockdown sa mga komunidad

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1640295" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Hindi pa nakikita ng Malacañang na dapat nang magpataw ng mas mahigpit na lockdown sa mga komunidad dahil sa matinding epekto nito sa ekonomiya.</p><p>Ayon kay Presidential Spokesperson Harry Roque, dapat na maging bahagi ng pang-araw-araw na pamumuhay ang pag-iingat laban sa banta ng COVID-19.</p><p>&quot;We need to live with this virus. Sa akin po talaga, hindi po ako nasa laylayan ng lipunan pero I would imagine na &#x27;yong mga &#x27;no work, no pay&#x27; ay talagang nagdarasal po na sana makapagpatuloy silang magtrabaho dahil sa ngayon po wala rin tayong ayuda na nasa budget,&quot; ani Roque.</p><p>Binitiwan ni Roque ang mga pahayag sa harap ng patuloy na pagdami ng mga kaso ng COVID-19 sa bansa, kasama ang Metro Manila.</p><p>Bilang tugon na rin sa tumataas na bilang ng mga kaso, nagpatupad ang mga alkalde ng Metro Manila ng unified curfew mula alas-10 ng gabi hanggang alas-5 ng madaling araw, na sisimulang ipatupad ngayong gabi ng Lunes.</p><p>Ayon sa Philippine National Police, 9,000 pulis ang ipakakalat nila sa Metro Manila para ipatupad ang curfew.</p><p>Nasa 379 checkpoint din ang ipakakalat sa Kamaynilaan.</p><p>Tanging essential services lang umano ang exempted at kailangang magpakita ng employment ID.</p><div><strong>COVID-19 facilities punuan na</strong></div><p>Sa Quezon City, punuan na ang mga COVID-19 facilites na Hope 1 hanggang Hope 4, kasama ang Novaliches District Hospital, Quezon City General Hospital, at Rosario Maclang Bautista General Hospital.</p><p>Sa Rosario Maclang Bautista General Hospital, nagtayo na rin ng dagdag na tent sa labas ng ospital na magsisilbing COVID-19 wards.</p><p>Lumalabas din sa datos ng local government unit (LGU) na sa workplace o trabaho madalas nakukuha ang COVID-19, na nauuwi naman ng empleyado sa kani-kanilang mga bahay.</p><p>Dahil dito, ipinag-utos ni Mayor Joy Belmonte na silipin kung sumusunod sa health protocols ang mga opisina at iba pang workplace.</p><p>Nasa 25 lugar na sa lungsod ang naka-lockdown dahil sa dami ng active cases.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1640255" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Halos puno na rin ang isolation facilities sa Pasay matapos pumalo sa 783 ang active cases.</p><p>Nagsagawa na ng malawakang COVID-19 testing ang lungsod, kasama ang 2,000 kawani ng Pasay Public Market.</p><p>Sa San Juan, sinabi naman ni Mayor Francis Zamora na 80 porsiyento na ang occupancy rate ng kanilang isolation facility.</p><div><strong>Localized lockdown</strong></div><p>Inanunsiyo naman ni Manila Mayor Francisco &quot;Isko Moreno&quot; Domagoso na isasailalim sa 4 na araw na lockdown simula Miyerkoles ang 6 na barangay sa lungsod sa harap ng patuloy na pagdami ng COVID-19 cases.</p><p>Naka-lockdown hanggang Sabado ang mga barangay 185, 374, 521, 628, 675 at 847 sa Maynila.</p><ul class="op-related-articles">	<li><a href="https://news.abs-cbn.com/news/03/15/21/6-barangay-sa-maynila-isasailalim-sa-lockdown">6 barangay sa Maynila isasailalim sa lockdown</a></li></ul><p>Sa Makati, bantay-sarado pa rin dahil nananatili sa localized enhanced community quarantine ang 8 lansangan sa Barangay Pio del Pilar.</p><p>Nakatakdang matapos ang localized lockdown sa Martes.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1640251" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Pag-aaralan pa ng Makati kung kailangan ding i-lockdown ang iba pang lugar sa siyudad. </p><p>Noong Marso 13, umabot na sa 808 ang active COVID-19 cases sa Makati, pinakamarami ay galing sa Barangay Pio del Pilar na 128.</p><p>Pinag-aaralan naman ng LGU sa Malabon ang pagpapatupad ng granular lockdown kung hindi makokontrol ang pagtaas ng kaso ng COVID-19.</p><p>May 7,739 na kumpirmadong kaso sa Malabon, kung saan 652 ang active cases.</p><p>Sa Navotas, sa halip na multa, isasailalim sa mandatory RT-PCR test ang mga lalabag sa curfew at iba pang health protocols.</p><p>May 700 active cases sa Navotas. </p><p>Nagsagawa naman ng malawakang disinfection sa Pateros matapos halos dumoble ang COVID-19 cases mula noong Marso 8.</p><p>May 83 active cases ang bayan, base sa tala noong Marso 13, mula sa 44 na kaso noong Marso 8.</p><p>Naka-quarantine naman nang 2 linggo si Pasig City Mayor Vico Sotto matapos pumanaw ang kaniyang driver dahil sa COVID-19.</p><p>Ikinalungkot ni Sotto ang pagpanaw ng driver dahil matagal na daw niya itong kasama.</p><p>Sa Caloocan, na may 648 active COVID-19 cases, ipinag-utos ni Mayor Oscar Malapitan na ipatupad ang 50 porsiyentong skeletal workforce para sa mga pumapasok sa mga tanggapan ng pamahalaang lungsod.</p><div><strong>— Ulat nina Raffy Santos, Zyann Ambrosio at Ina Reformina, ABS-CBN News</strong></div>

<p>Hindi pa nakikita ng Malacañang ang pangangailangan sa mas mahigpit na lockdown sa mga komunidad.</p>

Hindi pa nakikita ng Malacañang ang pangangailangan sa mas mahigpit na lockdown sa mga komunidad.