Push Admin

Tricycle drayber, binaril sa ulo habang nakatambay sa terminal; anak, nadaplisan

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/vGOl-fLHoXg" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Patay ang isang tricycle drayber matapos barilin nang malapitan ng riding-in-tandem habang nakapila sa terminal sa Bagong Barrio, Caloocan City.</p><p>Sa kuha ng CCTV ng Barangay 144, makikitang nakapila sa terminal ng tricycle sa Malolos Street si Arnold Martinez, alyas Nognog, habang naghihintay ng pasahero.</p><p>Sa loob ng sidecar, nakasakay ang kaniyang 3 na anyos na anak na isinasama niya sa pagpapasada.</p><p>Ilang sandali pa ay may dumating na riding-in-tandem at pagtapat kay Martinez ay huminto ang motorsiklo, bumunot ng baril ang angkas, at binaril siya sa ulo.</p><p>Nakatayo pa ang biktima at nakapaglakad. Umalalay ang mga kapwa niya tricycle drayber pero tuluyan na siyang tumumba.</p><p>Nadaplisan pa ng bala ang anak ng biktima pero ligtas na ang bata.</p><p>Palaisipan pa sa pamilya ng biktima ang motibo ng krimen.</p><p>Sabi ng Caloocan Police, sangkot sa ilegal na droga ang biktima.</p><p>Hindi naman ito itinanggi ng dating asawa ni Martinez pero giit niya gumagamit lang siya at hindi nagbebenta. </p><p>Onsehan sa droga ang tinitingnang motibo sa krimen.</p><p>Hustisya ang sigaw ng pamilya ng biktima. Tiniyak naman ng Caloocan police na nakatutok sila sa kaso para maresolba agad ito.</p><div><strong>--Ulat ni Dennis Datu, ABS-CBN News</strong></div>